aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kuchh to batao shair-e-bedar kya hua

Obaidullah Aleem

kuchh to batao shair-e-bedar kya hua

Obaidullah Aleem

MORE BYObaidullah Aleem

    kuchh to batāo shā.ir-e-bedār kyā huā

    kis talāsh hai tumheñ aur kaun kho gayā

    āñkhoñ meñ raushnī bhī hai vīrāniyāñ bhī haiñ

    ik chāñd saath saath hai ik chāñd gah gayā

    tum ham-safar hue to huī zindagī aziiz

    mujh meñ to zindagī koī hausla na thā

    tum kaho ki ho bhī sakegā mirā ilaaj

    aglī mohabbatoñ ke mire zaḳhm-āshnā

    jhāñkā hai maiñ ne ḳhalvat-e-jāñ meñ nigār-e-jāñ

    koī nahīñ hai koī nahīñ hai tire sivā

    vo aur thā koī jise dekhā hai bazm meñ

    gar mujh ko DhūñDnā hai mirī ḳhalvatoñ meñ aa

    ai mere ḳhvāb aa mirī āñkhoñ ko rañg de

    ai merī raushnī mujhe rāstā dikhā

    ab aa bhī ki sub.h se pahle bujh na jā.ūñ

    ai mere āftāb bahut tez hai havā

    yā-rab atā ho zaḳhm koī sher-āfrīñ

    ik umr ho ga.ī ki mirā dil nahīñ dukhā

    vo daur aa gayā hai ki ab sāhibān-e-dard

    jo ḳhvāb dekhte haiñ vahī ḳhvāb nā-rasā

    dāman bane to rañg huā dastaras se duur

    mauj-e-havā hue to hai ḳhushbū gurez-pā

    likkheñ bhī kyā ki ab koī ahvāl-e-dil nahīñ

    chīḳheñ bhī kyā ki ab koī suntā nahīñ sadā

    āñkhoñ meñ kuchh nahīñ hai ba-juz ḳhāk-e-rahguzar

    siine meñ kuchh nahīñ hai ba-juz nāla-o-navā

    pahchān lo hameñ ki tumhārī sadā haiñ ham

    sun lo ki phir na ā.eñge ham se ġhazal-sarā

    kuchh to batao shair-e-bedar kya hua

    kis ki talash hai tumhein aur kaun kho gaya

    aankhon mein raushni bhi hai viraniyan bhi hain

    ek chand sath sath hai ek chand gah gaya

    tum ham-safar hue to hui zindagi aziz

    mujh mein to zindagi ka koi hausla na tha

    tum hi kaho ki ho bhi sakega mera ilaj

    agli mohabbaton ke mere zaKHm-ashna

    jhanka hai main ne KHalwat-e-jaan mein nigar-e-jaan

    koi nahin hai koi nahin hai tere siwa

    wo aur tha koi jise dekha hai bazm mein

    gar mujh ko DhunDna hai meri KHalwaton mein aa

    ai mere KHwab aa meri aankhon ko rang de

    ai meri raushni tu mujhe rasta dikha

    ab aa bhi ja ki subh se pahle hi bujh na jaun

    ai mere aaftab bahut tez hai hawa

    ya-rab ata ho zaKHm koi sher-afrin

    ek umr ho gai ki mera dil nahin dukha

    wo daur aa gaya hai ki ab sahiban-e-dard

    jo KHwab dekhte hain wahi KHwab na-rasa

    daman bane to rang hua dastaras se dur

    mauj-e-hawa hue to hai KHushbu gurez-pa

    likkhen bhi kya ki ab koi ahwal-e-dil nahin

    chiKHen bhi kya ki ab koi sunta nahin sada

    aankhon mein kuchh nahin hai ba-juz KHak-e-rahguzar

    sine mein kuchh nahin hai ba-juz nala-o-nawa

    pahchan lo hamein ki tumhaari sada hain hum

    sun lo ki phir na aaenge hum se ghazal-sara

    RECITATIONS

    Obaidullah Aleem

    Obaidullah Aleem,

    Obaidullah Aleem

    kuchh to batao shair-e-bedar kya hua Obaidullah Aleem

    Source:

    Chand Chehra Sitara Aankhen (Pg. 71)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now