kuchh to Thahre hue dariya mein rawani karen hum
kuchh to Thahre hue dariyā meñ ravānī kareñ ham
aao duniyā kī haqīqat ko kahānī kareñ ham
apne maujūd meñ milte hī nahīñ haiñ ham log
jo hai ma.adūm use apnī nishānī kareñ ham
pahle ik yaar banā.eñ koī us ke jaisā
aur phir ījād koī dushman-e-jānī kareñ ham
jab nayā kaam hī karne ko nahīñ hai koī
baiThe baiThe yuuñ hī ik chiiz purānī kareñ ham
hijr ke din to hue ḳhatm baḌī dhuum ke saath
vasl kī raat hai kyuuñ marsiya-ḳhvānī kareñ ham
kuchh to Thahre hue dariya mein rawani karen hum
aao duniya ki haqiqat ko kahani karen hum
apne maujud mein milte hi nahin hain hum log
jo hai madum use apni nishani karen hum
pahle ek yar banaen koi us ke jaisa
aur phir ijad koi dushman-e-jaani karen hum
jab naya kaam hi karne ko nahin hai koi
baiThe baiThe yun hi ek chiz purani karen hum
hijr ke din to hue KHatm baDi dhum ke sath
wasl ki raat hai kyun marsiya-KHwani karen hum
Source:
Wahima Vajood Ka (Pg. 59)
- Author: Salim Saleem
-
- Edition: 2nd
- Publisher: Rekhta Publications
- Year of Publication: 2022
Source:
Sabhi Rang Tumhare Nikle (Pg. 52)
- Author: Salim Saleem
-
- Edition: First
- Publisher: Rekhta Publications
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
