kyun main hail ho jata hun apni hi tanhai mein

Zafar Hameedi

kyun main hail ho jata hun apni hi tanhai mein

Zafar Hameedi

MORE BYZafar Hameedi

    kyuuñ maiñ haa.il ho jaatā huuñ apnī tanhā.ī meñ

    varna ik pur-lutf samāñ hai ḳhud apnī gahrā.ī meñ

    fitrat ne atā hai be-shak mujh ko bhī kuchh aqal-e-salīm

    kaun ḳhalal-andāz huā hai merī har dānā.ī meñ

    jhuuT namkīnī se bātoñ meñ aa jaatā hai mazā

    koī nahīñ letā dilchaspī phīkī sachchā.ī meñ

    apne the begāne the aur āḳhir meñ ḳhud merī zaat

    kis kis ikrām huā hai kitnā mirī rusvā.ī meñ

    badle badle lagte ho hai chehre par anjānā-pan

    vaqt ke hāthoñ farq aayā merī bīnā.ī meñ

    sunñe vāloñ ke chehroñ par surḳh lakīroñ ke haiñ nishāñ

    ḳhūnī sochoñ āmezish hai naġhmoñ shahnā.ī meñ

    sab qadreñ pāmāl huiiñ insāñ ne ḳhud ko masḳh kiyā

    qudrat ne kitnī mehnat thī apnī bazm-ārā.ī meñ

    apnī āgāhī un ko hotī nahīñ taufīq kabhī

    log ḳhudā ko DhūñD rahe haiñ āfāqī pahnā.ī meñ

    duniyā dānish-gāhoñ meñ aaj ajab ik bahas chhiḌī

    kaun bharose ke qābil hai aaqil aur saudā.ī meñ

    jaane kis kirdār kaa.ī mere ghar meñ aa pahuñchī

    ab to 'zafar' chalnā hai mushkil āñgan chiknā.ī meñ

    kyun main hail ho jata hun apni hi tanhai mein

    warna ek pur-lutf saman hai KHud apni gahrai mein

    fitrat ne ata ki hai be-shak mujh ko bhi kuchh aqal-e-salim

    kaun KHalal-andaz hua hai meri har danai mein

    jhuT ki namkini se baaton mein aa jata hai maza

    koi nahin leta dilchaspi phiki si sachchai mein

    apne the begane the aur aaKHir mein KHud meri zat

    kis kis ka ikram hua hai kitna meri ruswai mein

    badle badle lagte ho hai chehre par anjaana-pan

    ya waqt ke hathon farq aaya meri hi binai mein

    sunne walon ke chehron par surKH lakiron ke hain nishan

    KHuni sochon ki aamezish hai naghmon ki shahnai mein

    sab qadren pamal huin insan ne KHud ko masKH kiya

    qudrat ne kitni mehnat ki thi apni bazm-arai mein

    apni aagahi ki un ko hoti nahin taufiq kabhi

    log KHuda ko DhunD rahe hain aafaqi pahnai mein

    duniya ki danish-gahon mein aaj ajab ek bahas chhiDi

    kaun bharose ke qabil hai aaqil aur saudai mein

    jaane kis kirdar ki kai mere ghar mein aa pahunchi

    ab to 'zafar' chalna hai mushkil aangan ki chiknai mein

    RECITATIONS

    Nomaan Shauque

    Nomaan Shauque

    Nomaan Shauque

    kyun main hail ho jata hun apni hi tanhai mein Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY