aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

lafz ko ilham mani ko sharar samjha tha main

Liaqat Jafri

lafz ko ilham mani ko sharar samjha tha main

Liaqat Jafri

MORE BYLiaqat Jafri

    lafz ko ilhām ma.anī ko sharar samjhā thā maiñ

    dar-haqīqat aib thā jis ko hunar samjhā thā maiñ

    raushnī thī aañkh thī manzar thā phir kuchh bhī na thā

    haa.e kis āshob ko apnī nazar samjhā thā maiñ

    āsmānoñ ko lapakte haiñ zamīñ-zāde sabhī

    murġh-e-ādam-zād ko be-bāl-o-par samjhā thā maiñ

    ''kun'' afsūn-e-azal phūñkā gayā thā jis ghaḌī

    mujh ko ab bhī yaad hai bār-e-digar samjhā thā maiñ

    hai koii? jo mere is lamhe pe girya kar sake

    jab mujhe bilkul samajh na thī magar samjhā thā maiñ

    apne bachchoñ tarah us ne uḌāyā mujh ko saath

    jis havā-e-tund-ḳhū ko dar-ba-dar samjhā thā maiñ

    mujh pe farsūda aqā.ed ajab yalġhār thī

    chhoTe chhoTe vasvasoñ ko ḳhair-o-shar samjhā thā maiñ

    regzār-e-shab-gazīda tujh meñ tā-hadd-e-nazar

    dhuup aaseb thā jis ko shajar samjhā thā maiñ

    be-sar-o-sāmāniyoñ intihā thī 'ja.afarī'

    jab dar-o-dīvār ko dīvār-o-dar samjhā thā maiñ

    bāb-e-hairat jab talak khultā liyāqat-'ja.afarī'

    qais ko farhād ko āshufta-sar samjhā thā maiñ

    lafz ko ilham mani ko sharar samjha tha main

    dar-haqiqat aib tha jis ko hunar samjha tha main

    raushni thi aankh thi manzar tha phir kuchh bhi na tha

    hae kis aashob ko apni nazar samjha tha main

    aasmanon ko lapakte hain zamin-zade sabhi

    murgh-e-adam-zad ko be-baal-o-par samjha tha main

    kun ka afsun-e-azal phunka gaya tha jis ghaDi

    mujh ko ab bhi yaad hai bar-e-digar samjha tha main

    hai koi? jo mere is lamhe pe girya kar sake

    jab mujhe bilkul samajh na thi magar samjha tha main

    apne bachchon ki tarah us ne uDaya mujh ko sath

    jis hawa-e-tund-KHu ko dar-ba-dar samjha tha main

    mujh pe farsuda aqaed ki ajab yalghaar thi

    chhoTe chhoTe waswason ko KHair-o-shar samjha tha main

    regzar-e-shab-gazida tujh mein ta-hadd-e-nazar

    dhup ka aaseb tha jis ko shajar samjha tha main

    be-sar-o-samaniyon ki intiha thi 'jafari'

    jab dar-o-diwar ko diwar-o-dar samjha tha main

    bab-e-hairat jab talak khulta liyaqat-'jafari'

    qais ko farhad ko aashufta-sar samjha tha main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now