lamha-e-taKHliq baKHsha usne mujhko bhik mein

lamha-e-taḳhlīq baḳhshā us ne mujh ko bhiik meñ

maiñ ne lauTāyā use ik nazm kī taknīk meñ

bām-o-dar kī raushnī phir kyuuñ bulātī hai mujhe

maiñ nikal aayā thā ghar se ik shab-e-tārīk meñ

faisle mahfūz haiñ aur fāsle haiñ barqarār

gard uḌtī hai yaqīñ kī vādī-e-tashkīk meñ

sī ke phailā duuñ bisāt-e-fan pe maiñ dāmān-e-chāk

Dor to guzre nazar kī sozan-e-bārīk meñ

maiñ ziyārat-gāh-e-āgāhī se lauT aayā huuñ dost

phuul laayā huuñ alam ke hadiya-e-tabrīk meñ

bol mere sur ko chhūte chhūte rah jaate haiñ 'sāz'

aah ye kaisī kasar hai dard kī tahrīk meñ

lamha-e-taKHliq baKHsha us ne mujh ko bhik mein

main ne lauTaya use ek nazm ki taknik mein

baam-o-dar ki raushni phir kyun bulati hai mujhe

main nikal aaya tha ghar se ek shab-e-tarik mein

faisle mahfuz hain aur fasle hain barqarar

gard uDti hai yaqin ki wadi-e-tashkik mein

si ke phaila dun bisat-e-fan pe main daman-e-chaak

Dor to guzre nazar ki sozan-e-barik mein

main ziyarat-gah-e-agahi se lauT aaya hun dost

phul laya hun alam ke hadiya-e-tabrik mein

bol mere sur ko chhute chhute rah jate hain 'saz'

aah ye kaisi kasar hai dard ki tahrik mein