log to ek manzar hain taKHt-nashinon ki KHatir
log to ik manzar haiñ taḳht-nashīnoñ kī ḳhātir
farsh bichhāyā jaatā hai qālīnoñ kī ḳhātir
kitnī be-tartībī phailī kyā kuchh TuuT gayā
saje-sajā.e ghar the unhī makīnoñ kī ḳhātir
Thahar ga.e haiñ ain safar meñ bin soche-samjhe
ham-safarī ke kuchh be-nām qarīnoñ kī ḳhātir
jal bujhte haiñ log kisī ko faiz pahuñchne par
gir jaate haiñ kuchh be-ma.anī zīnoñ kī ḳhātir
ham aur tum jo badal ga.e to itnī hairat kyā
aks badalte rahte haiñ ā.īnoñ kī ḳhātir
ūñche daam lage haiñ humairā kore jazboñ ke
saudā burā nahīñ hai chand mashīnoñ kī ḳhātir
log to ek manzar hain taKHt-nashinon ki KHatir
farsh bichhaya jata hai qalinon ki KHatir
kitni be-tartibi phaili kya kuchh TuT gaya
saje-sajae ghar the unhi makinon ki KHatir
Thahar gae hain ain safar mein bin soche-samjhe
ham-safari ke kuchh be-nam qarinon ki KHatir
jal bujhte hain log kisi ko faiz pahunchne par
gir jate hain kuchh be-mani zinon ki KHatir
hum aur tum jo badal gae to itni hairat kya
aks badalte rahte hain aainon ki KHatir
unche dam lage hain humaira kore jazbon ke
sauda bura nahin hai chand mashinon ki KHatir
Source:
Pakistani Adab (Pg. 441)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
