aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main ki KHush hota tha dariya ki rawani dekh kar

Shahzad Ahmad

main ki KHush hota tha dariya ki rawani dekh kar

Shahzad Ahmad

MORE BYShahzad Ahmad

    maiñ ki ḳhush hotā thā dariyā ravānī dekh kar

    kaañp uTThā huuñ galī-kūchoñ meñ paanī dekh kar

    ho koī bahrūp us dil dhaḌaktā hai zarūr

    maiñ use pahchān letā huuñ nishānī dekh kar

    adh-khule tanhā darīchoñ mujhe aayā ḳhayāl

    nīm-vā āñkhoñ rañgat āsmānī dekh kar

    abr ke TukḌoñ ne dīvāreñ banā diiñ jā-ba-jā

    dhuup se jaltī fazā be-karānī dekh kar

    ek lamhe meñ kaTā hai muddatoñ fāsla

    maiñ abhī aayā huuñ tasvīreñ purānī dekh kar

    aañkh ke bādal se kahtā hai ki duniyā par baras

    dil lab o ruḳhsār sho.ala-fishānī dekh kar

    kis taraf le jā.egī so.e hue logoñ ko raat

    Dar rahā huuñ us āñkhoñ meñ girānī dekh kar

    din vahīñ par kāTnā ham ko qayāmat ho gayā

    aan baiThe the jahāñ sub.heñ suhānī dekh kar

    dil meñ jo kuchh hai zabāñ zā.iqa bantā nahīñ

    lafz chehra Dhāñp lete haiñ ma.ānī dekh kar

    dil na jaane kaun gahrā.iyoñ meñ kho gayā

    bahr maujoñ tahrīroñ ko faanī dekh kar

    der se 'shahzād' kunj-e-āfiyat meñ the asiir

    ḳhush huā hai dil balā-e-nā-gahānī dekh kar

    main ki KHush hota tha dariya ki rawani dekh kar

    kanp uTTha hun gali-kuchon mein pani dekh kar

    ho koi bahrup us ka dil dhaDakta hai zarur

    main use pahchan leta hun nishani dekh kar

    adh-khule tanha darichon ka mujhe aaya KHayal

    nim-wa aankhon ki rangat aasmani dekh kar

    abr ke TukDon ne diwaren bana din ja-ba-ja

    dhup se jalti faza ki be-karani dekh kar

    ek lamhe mein kaTa hai muddaton ka fasla

    main abhi aaya hun taswiren purani dekh kar

    aankh ke baadal se kahta hai ki duniya par baras

    dil lab o ruKHsar ki shoala-fishani dekh kar

    kis taraf le jaegi soe hue logon ko raat

    Dar raha hun us ki aankhon mein girani dekh kar

    din wahin par kaTna hum ko qayamat ho gaya

    aan baiThe the jahan subhen suhani dekh kar

    dil mein jo kuchh hai zaban ka zaiqa banta nahin

    lafz chehra Dhanp lete hain maani dekh kar

    dil na jaane kaun si gahraiyon mein kho gaya

    bahr ki maujon ki tahriron ko fani dekh kar

    der se 'shahzad' kunj-e-afiyat mein the asir

    KHush hua hai dil bala-e-na-gahani dekh kar

    Source:

    Deewar pe dastak (Pg. 342)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now