aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

مرے شعروں میں فن کاری نہیں ہے

فرحت احساس

مرے شعروں میں فن کاری نہیں ہے

فرحت احساس

MORE BYفرحت احساس

    مرے شعروں میں فن کاری نہیں ہے

    کہ مجھ میں اتنی ہشیاری نہیں ہے

    دوائے موت کیوں لیتے ہو اتنی

    اگر جینے کی بیماری نہیں ہے

    بدن پھر سے اگا لے گی یہ مٹی

    کہ میں نے جاں ابھی ہاری نہیں ہے

    محبت ہے ہی اتنی صاف و سادہ

    یہ میری سہل انگاری نہیں ہے

    اسے بچوں کے ہاتھوں سے اٹھاؤ

    یہ دنیا اس قدر بھاری نہیں ہے

    میں اس پتھر سے ٹکراتا ہوں بے کار

    ذرا بھی اس میں چنگاری نہیں ہے

    نہ کیوں سجدہ کرے اپنے بتوں کا

    یہ سر مسجد کا درباری نہیں ہے

    گیا یہ کہہ کے مجھ سے عشق کا روگ

    کہ تجھ کو شوق بیماری نہیں ہے

    ہمارا عشق کرنا جسم کے ساتھ

    عبادت ہے گنہ گاری نہیں ہے

    براہ جسم ہے سارا تصوف

    بدن صوفی ہے برہمچاری نہیں ہے

    یہ کوئی اور ہوگا فرحتؔ احساس

    نہیں یہ بھی مری باری نہیں ہے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے