aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mohabbat chahiye baham hamein bhi ho tumhein bhi ho

Bahadur Shah Zafar

mohabbat chahiye baham hamein bhi ho tumhein bhi ho

Bahadur Shah Zafar

MORE BYBahadur Shah Zafar

    mohabbat chāhiye bāham hameñ bhī ho tumheñ bhī ho

    ḳhushī ho is meñ ho ġham hameñ bhī ho tumheñ bhī ho

    ġhanīmat tum ise samjho ki is ḳhum-ḳhāne meñ yaaro

    nasīb ik-dam dil-e-ḳhurram hameñ bhī ho tumheñ bhī ho

    dilāo hazrat-e-dil tum na yād-e-ḳhat-e-sabz us

    kahīñ aisā na ho ye sam hameñ bhī ho tumheñ bhī ho

    hamesha chāhtā hai dil ki mil kar kiije mai-noshī

    mayassar jām-e-mai-e-jam-jam hameñ bhī ho tumheñ bhī ho

    ham apnā ishq chamkā.eñ tum apnā husn chamkāo

    ki hairāñ dekh kar aalam hameñ bhī ho tumheñ bhī ho

    rahe hirs-o-havā daa.im azīzo saath jab apne

    na kyūñkar fikr-e-besh-o-kam hameñ bhī ho tumheñ bhī ho

    'zafar' se kahtā hai majnūñ kahīñ dard-e-dil mahzūñ

    jo ġham se fursat ab ik dam hameñ bhī ho tumheñ bhī ho

    mohabbat chahiye baham hamein bhi ho tumhein bhi ho

    KHushi ho is mein ya ho gham hamein bhi ho tumhein bhi ho

    ghanimat tum ise samjho ki is KHum-KHane mein yaro

    nasib ik-dam dil-e-KHurram hamein bhi ho tumhein bhi ho

    dilao hazrat-e-dil tum na yaad-e-KHat-e-sabz us ka

    kahin aisa na ho ye sam hamein bhi ho tumhein bhi ho

    hamesha chahta hai dil ki mil kar kije mai-noshi

    mayassar jam-e-mai-e-jam-jam hamein bhi ho tumhein bhi ho

    hum apna ishq chamkaen tum apna husn chamkao

    ki hairan dekh kar aalam hamein bhi ho tumhein bhi ho

    rahe hirs-o-hawa daim azizo sath jab apne

    na kyunkar fikr-e-besh-o-kam hamein bhi ho tumhein bhi ho

    'zafar' se kahta hai majnun kahin dard-e-dil mahzun

    jo gham se fursat ab ek dam hamein bhi ho tumhein bhi ho

    RECITATIONS

    Nomaan Shauque

    Nomaan Shauque,

    Nomaan Shauque

    mohabbat chahiye baham hamein bhi ho tumhein bhi ho Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now