na jab koi sharik-e-zat hoga
na jab koī sharīk-e-zāt hogā
mirā ham-zād mere saath hogā
gharoñ ke band darvāzoñ meñ raushan
vahī ik zaḳhm-e-ehsāsāt hogā
na yuuñ dahlīz tak aao ki bāhar
galī meñ fitna-e-zarrāt hogā
kurede jaao yuuñ hī raakh dil kī
kahīñ to sho.ala-e-jazbāt hogā
darīche yuuñ to khul sakte nahīñ the
havāoñ meñ kisī kā haat hogā
kitāboñ meñ mileñge sher mere
mirā ġham raunaq-e-safhāt hogā
yahī din meñ Dhalegī raat 'aḳhtar'
yahī din kā ujālā raat hogā
na jab koi sharik-e-zat hoga
mera ham-zad mere sath hoga
gharon ke band darwazon mein raushan
wahi ek zaKHm-e-ehsasat hoga
na yun dahliz tak aao ki bahar
gali mein fitna-e-zarraat hoga
kurede jao yun hi rakh dil ki
kahin to shoala-e-jazbaat hoga
dariche yun to khul sakte nahin the
hawaon mein kisi ka hat hoga
kitabon mein milenge sher mere
mera gham raunaq-e-safhat hoga
yahi din mein Dhalegi raat 'aKHtar'
yahi din ka ujala raat hoga
Source:
Dariche (Pg. 14)
- Author: Bashir Saifi
-
- Edition: 1975
- Publisher: Shakhsar Publishers
- Year of Publication: 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
