nazar milte hi saqi se giri ek barq si dil par

Anees Ahmad Anees

nazar milte hi saqi se giri ek barq si dil par

Anees Ahmad Anees

MORE BYAnees Ahmad Anees

    nazar milte saaqī se girī ik barq dil par

    vo uTThā shor TuuTe jaam ki ban aa.ī mahfil par

    usī andāz se us ne likhī hai dāstāñ dil par

    gale meñ pyaar se bāheñ hamā.il aur chhurī dil par

    koī ik hādisa ho gar kareñ ham zikr bhī us

    guzarte haiñ yahāñ to hādse par hādse dil par

    na manzil hai na jaada hai na koī rāhbar baaqī

    mirā zauq-e-safar baaqī hai ik hañgāma-e-dil par

    tavāf-e-māh karnā aur ḳhalā meñ saañs lenā kyā

    bharosa jab nahīñ insān ko insān ke dil par

    vahī maujeñ jo mujh ko khīñch kar laa.ī haiñ tūfāñ meñ

    unheñ maujoñ ke saath ik roz meñ pahuñchūñgā sāhil par

    masarrat aur rāhat se na thiiñ ra.anā.iyāñ kaafī

    'anīs' ehsān ġham ke bhī bahut haiñ nā-tavāñ dil par

    nazar milte hi saqi se giri ek barq si dil par

    wo uTTha shor TuTe jam ki ban aai mahfil par

    usi andaz se us ne likhi hai dastan dil par

    gale mein pyar se bahen hamail aur chhuri dil par

    koi ek hadisa ho gar karen hum zikr bhi us ka

    guzarte hain yahan to hadse par hadse dil par

    na manzil hai na jada hai na koi rahbar baqi

    mera zauq-e-safar baqi hai ek hangama-e-dil par

    tawaf-e-mah karna aur KHala mein sans lena kya

    bharosa jab nahin insan ko insan ke dil par

    wahi maujen jo mujh ko khinch kar lai hain tufan mein

    unhen maujon ke sath ek roz mein pahunchunga sahil par

    masarrat aur rahat se na thin ranaiyan kafi

    'anis' ehsan gham ke bhi bahut hain na-tawan dil par

    Source :
    • Book : SAAZ-O-NAVA (Pg. 67)
    • Publication : Raghu Nath suhai ummid
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY