qasid nai ada se ada-e-payam ho
qāsid na.ī adā se adā-e-payām ho
matlab ye hai ki baat na ho aur kalām ho
baaqī hai shauq raah meñ kyūñkar qayām ho
haath aa.eñ un ke paañv to manzil tamām ho
kyā ḳhush ho dil ki hai vo jafā-jū zamīñ se duur
tum kaise āsmān ke qā.em-maqām ho
farmāñ-ravā-e-husn ko hotā nahīñ faroġh
jab tak na ishq us kā mudār-ul-mahām ho
'ahsan' vo sun ke shikva-e-tash.hīr kah ga.e
ham jānte haiñ tum ko baḌe nek-nām ho
qasid nai ada se ada-e-payam ho
matlab ye hai ki baat na ho aur kalam ho
baqi hai shauq rah mein kyunkar qayam ho
hath aaen un ke panw to manzil tamam ho
kya KHush ho dil ki hai wo jafa-ju zamin se dur
tum kaise aasman ke qaem-maqam ho
farman-rawa-e-husn ko hota nahin farogh
jab tak na ishq us ka mudar-ul-maham ho
'ahsan' wo sun ke shikwa-e-tashhir kah gae
hum jaante hain tum ko baDe nek-nam ho
Source:
Karwaan-e-Ghazal (Pg. 29)
- Author: Farooq Argali
-
- Edition: 2004
- Publisher: Farid Book Depot (Pvt.) Ltd
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
