rah-navard-e-bayābān-e-ġham sabr kar sabr kar
kārvāñ phir mileñge baham sabr kar sabr kar
be-nishāñ hai safar raat saarī paḌī hai magar
aa rahī hai sadā dam-ba-dam sabr kar sabr kar
terī fariyād gūñjegī dhartī se ākāsh tak
koī din aur sah le sitam sabr kar sabr kar
tere qadmoñ se jāgeñge ujḌe diloñ ke ḳhutan
pā-shikasta ġhazāl-e-haram sabr kar sabr kar
shahr ujḌe to kyā hai kushāda zamīn-e-ḳhudā
ik nayā ghar banā.eñge ham sabr kar sabr kar
ye mahallāt-e-shāhī tabāhī ke haiñ muntazir
girne vaale haiñ un ke alam sabr kar sabr kar
daf bajā.eñge barg o shajar saf-ba-saf har taraf
ḳhushk miTTī se phūTegā nam sabr kar sabr kar
lahlahā.eñgī phir khetiyāñ kārvāñ kārvāñ
khul ke barsegā abr-e-karam sabr kar sabr kar
kyuuñ paTaktā hai sar sañg se jī jalā Dhañg se
dil hī ban jā.egā ḳhud sanam sabr kar sabr kar
pahle khil jaa.e dil kā kañval phir likheñge ġhazal
koī dam ai sarīr-e-qalam sabr kar sabr kar
dard ke taar milne to de hoñT hilne to de
saarī bāteñ kareñge raqam sabr kar sabr kar
dekh 'nāsir' zamāne meñ koī kisī kā nahīñ
bhuul jā us ke qaul o qasam sabr kar sabr kar
rah-naward-e-bayaban-e-gham sabr kar sabr kar
karwan phir milenge baham sabr kar sabr kar
be-nishan hai safar raat sari paDi hai magar
aa rahi hai sada dam-ba-dam sabr kar sabr kar
teri fariyaad gunjegi dharti se aakash tak
koi din aur sah le sitam sabr kar sabr kar
tere qadmon se jagenge ujDe dilon ke KHutan
pa-shikasta ghazal-e-haram sabr kar sabr kar
shahr ujDe to kya hai kushada zamin-e-KHuda
ek naya ghar banaenge hum sabr kar sabr kar
ye mahallat-e-shahi tabahi ke hain muntazir
girne wale hain un ke alam sabr kar sabr kar
daf bajaenge barg o shajar saf-ba-saf har taraf
KHushk miTTi se phuTega nam sabr kar sabr kar
lahlahaengi phir khetiyan karwan karwan
khul ke barsega abr-e-karam sabr kar sabr kar
kyun paTakta hai sar sang se ji jala Dhang se
dil hi ban jaega KHud sanam sabr kar sabr kar
pahle khil jae dil ka kanwal phir likhenge ghazal
koi dam ai sarir-e-qalam sabr kar sabr kar
dard ke tar milne to de honT hilne to de
sari baaten karenge raqam sabr kar sabr kar
dekh 'nasir' zamane mein koi kisi ka nahin
bhul ja us ke qaul o qasam sabr kar sabr kar
rah-naward-e-bayaban-e-gham sabr kar sabr kar
Nomaan Shauque
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.