raunaq hi nahin uski hum ruh-o-rawan bhi hain

raunaq hī nahīñ us kī ham rūh-o-ravāñ bhī haiñ

lekin hameñ duniyā kī ḳhātir pe garāñ bhī haiñ

ik tere hī kūche par mauqūf nahīñ hai kuchh

har gaam haiñ ta.azīreñ ham log jahāñ bhī haiñ

gulchīñ ko nahīñ shāyad is raaz se āgāhī

shabnam meñ nahā.e gul sho.aloñ kī zabāñ bhī haiñ

khāte the qasam jin ke kirdār-o-amal kī ham

shāmil saf-e-a.adā meñ vo ham-nafasāñ bhī haiñ

sach kahte ho ham aise zarroñ kī haqīqat kyā

ab kaun kahe tum se ham sañg-e-girāñ bhī haiñ

raunaq hi nahin us ki hum ruh-o-rawan bhi hain

lekin hamein duniya ki KHatir pe garan bhi hain

ek tere hi kuche par mauquf nahin hai kuchh

har gam hain taziren hum log jahan bhi hain

gulchin ko nahin shayad is raaz se aagahi

shabnam mein nahae gul shoalon ki zaban bhi hain

khate the qasam jin ke kirdar-o-amal ki hum

shamil saf-e-ada mein wo ham-nafasan bhi hain

sach kahte ho hum aise zarron ki haqiqat kya

ab kaun kahe tum se hum sang-e-giran bhi hain