rulwa ke mujhko yar gunahgar kar nahin

Agha Hajju Sharaf

rulwa ke mujhko yar gunahgar kar nahin

Agha Hajju Sharaf

MORE BYAgha Hajju Sharaf

    rulvā ke mujh ko yaar gunahgār kar nahīñ

    āñkheñ haiñ tar to hoñ mirā dāman to tar nahīñ

    ummīd-e-vasl se bhī to sadma na kam huā

    kyā dard jā.egā jo davā asar nahīñ

    din ko bhī dāġh-e-dil na kam hogī raushnī

    ye lau aur hai ye charāġh-e-sahar nahīñ

    tanhā chaleñ haiñ ma.arka-e-ishq jhelne

    un taraf ḳhudā.ī hai koī idhar nahīñ

    ḳhālī safā.ī-qalb se behtar hai dāġh-e-ishq

    kyā aib hai ki jis ke muqābil hunar nahīñ

    qātil raah dekh le dam bhar na zahr khā

    ai dil qazā ko aane de be-maut mar nahīñ

    kyūñkar yahāñ na ek karvaT paḌā rahūñ

    maqām gor manzil hai ghar nahīñ

    ran-khan paḌeñge jab kahīñ dikhlā.egā vo shakl

    be-kisht-e-ḳhūñ huī ye muhim ho ke sar nahīñ

    āñkheñ jhapak rahī haiñ mirī barq-e-husn se

    pesh-e-nazar ho tum mujhe tāb-e-nazar nahīñ

    yaaro batāo kis taraf āñkheñ bichhā.ūñ maiñ

    us shoḳh kidhar ko hai aamad kidhar nahīñ

    banda-navāz sab haiñ rukū o sujūd meñ

    taa.at se ġhāfil aap koī bashar nahīñ

    pariyoñ ke paas jā.ūñ maiñ kyuuñ dil ko bechne

    saudā jo mol luuñ ye mujhe dard-e-sar nahīñ

    dard-e-firāq-e-yār se donoñ haiñ be-qarār

    qaabū meñ dil nahīñ mutahammil jigar nahīñ

    rāh-e-adam meñ saath rahegī tirī havas

    parvā nahīñ na ho jo koī ham-safar nahīñ

    ḳhalvat-sarā-e-yār meñ pahuñchegā kyā koī

    vo band-o-bast hai ki havā guzar nahīñ

    uThvā ke apnī bazm se dil ko mire na toḌ

    pahlū meñ de ke mujhe barbād kar nahīñ

    hastī kidhar hai ālam-e-arvāh hai kahāñ

    ġhaflat-zada huuñ mujh ko kahīñ ḳhabar nahīñ

    zanjīr utar ga.ī tirā dīvāna mar gayā

    sannāTā qaid-ḳhāne meñ hai shor-o-shar nahīñ

    chandrā ke mujh ko bole vo āḳhir jo shab huī

    faq ho gayā hai rañg kisī sahar nahīñ

    barpā hai hashr-o-nashr jo raftār-e-yār se

    ye kaun chalan hai qayāmat agar nahīñ

    durr-e-najaf to jism hai us nāznīn

    mū-e-najaf meñ baal paḌā hai kamar nahīñ

    dīdār lagā ke maiñ aayā huuñ aasrā

    ummīd-vār huuñ mujhe māyūs kar nahīñ

    yaaro sitam huā huī āḳhir shab-e-visāl

    siina 'sharaf' ye kuuT rahe haiñ gajar nahīñ

    rulwa ke mujh ko yar gunahgar kar nahin

    aankhen hain tar to hon mera daman to tar nahin

    ummid-e-wasl se bhi to sadma na kam hua

    kya dard jaega jo dawa ka asar nahin

    din ko bhi dagh-e-dil ki na kam hogi raushni

    ye lau hi aur hai ye charagh-e-sahar nahin

    tanha chalen hain marka-e-ishq jhelne

    un ki taraf KHudai hai koi idhar nahin

    KHali safai-qalb se behtar hai dagh-e-ishq

    kya aib hai ki jis ke muqabil hunar nahin

    qatil ki rah dekh le dam bhar na zahr kha

    ai dil qaza ko aane de be-maut mar nahin

    kyunkar yahan na ek hi karwaT paDa rahun

    hu ka maqam gor ki manzil hai ghar nahin

    ran-khan paDenge jab kahin dikhlaega wo shakl

    be-kisht-e-KHun hui ye muhim ho ke sar nahin

    aankhen jhapak rahi hain meri barq-e-husn se

    pesh-e-nazar ho tum mujhe tab-e-nazar nahin

    yaro batao kis taraf aankhen bichhaun main

    us shoKH ki kidhar ko hai aamad kidhar nahin

    banda-nawaz sab hain ruku o sujud mein

    taat se ghafil aap ki koi bashar nahin

    pariyon ke pas jaun main kyun dil ko bechne

    sauda jo mol lun ye mujhe dard-e-sar nahin

    dard-e-firaq-e-yar se donon hain be-qarar

    qabu mein dil nahin mutahammil jigar nahin

    rah-e-adam mein sath rahegi teri hawas

    parwa nahin na ho jo koi ham-safar nahin

    KHalwat-sara-e-yar mein pahunchega kya koi

    wo band-o-bast hai ki hawa ka guzar nahin

    uThwa ke apni bazm se dil ko mere na toD

    pahlu mein de ke ja mujhe barbaad kar nahin

    hasti kidhar hai aalam-e-arwah hai kahan

    ghaflat-zada hun mujh ko kahin ki KHabar nahin

    zanjir utar gai tera diwana mar gaya

    sannaTa qaid-KHane mein hai shor-o-shar nahin

    chandra ke mujh ko bole wo aaKHir jo shab hui

    faq ho gaya hai rang kisi ka sahar nahin

    barpa hai hashr-o-nashr jo raftar-e-yar se

    ye kaun sa chalan hai qayamat agar nahin

    durr-e-najaf to jism hai us naznin ka

    mu-e-najaf mein baal paDa hai kamar nahin

    didar ka laga ke main aaya hun aasra

    ummid-war hun mujhe mayus kar nahin

    yaro sitam hua hui aaKHir shab-e-visal

    sina 'sharaf' ye kuT rahe hain gajar nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY