aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sabab talash na kar bas yunhi hai ye duniya

Mahboob Khizan

sabab talash na kar bas yunhi hai ye duniya

Mahboob Khizan

MORE BYMahboob Khizan

    sabab talāsh na kar bas yūñhī hai ye duniyā

    vahī bahut hai jo kuchh jāntī hai ye duniyā

    khulat meñ band haiñ koñpal ke sote jāgte rañg

    parat parat meñ na.ī dilkashī hai ye duniyā

    ulajhte rahne meñ kuchh bhī nahīñ thakan ke sivā

    bahut haqīr haiñ ham tum baḌī hai ye duniyā

    ye log saañs bhī lete haiñ zinda bhī haiñ magar

    har aan jaise inheñ roktī hai ye duniyā

    bahut dinoñ to ye sharmindagī thī shāmil-e-hāl

    hamīñ ḳharāb haiñ achchhī bhalī hai ye duniyā

    hare-bhare raheñ tere chaman tire gulzār

    harā hai zaḳhm-e-tamannā bharī hai ye duniyā

    tum apnī lahr meñ ho aur kisī bhañvar tarah

    maiñ dūsrā huuñ koī tīsrī hai ye duniyā

    vo apne saath bhī rahte haiñ chup bhī rahte haiñ

    jinheñ ḳhabar hai ki kyā bechtī hai ye duniyā

    'ḳhizāñ' na soch ki biktī hai kyuuñ badan bahār

    samajh ki ruuh saudā-garī hai ye duniyā

    sabab talash na kar bas yunhi hai ye duniya

    wahi bahut hai jo kuchh jaanti hai ye duniya

    khulat mein band hain konpal ke sote jagte rang

    parat parat mein nai dilkashi hai ye duniya

    ulajhte rahne mein kuchh bhi nahin thakan ke siwa

    bahut haqir hain hum tum baDi hai ye duniya

    ye log sans bhi lete hain zinda bhi hain magar

    har aan jaise inhen rokti hai ye duniya

    bahut dinon to ye sharmindagi thi shamil-e-haal

    hamin KHarab hain achchhi bhali hai ye duniya

    hare-bhare rahen tere chaman tere gulzar

    hara hai zaKHm-e-tamanna bhari hai ye duniya

    tum apni lahr mein ho aur kisi bhanwar ki tarah

    main dusra hun koi tisri hai ye duniya

    wo apne sath bhi rahte hain chup bhi rahte hain

    jinhen KHabar hai ki kya bechti hai ye duniya

    'KHizan' na soch ki bikti hai kyun badan ki bahaar

    samajh ki ruh ki sauda-gari hai ye duniya

    Source:

    Urdu Quarterly BADBAAN (Pg. 117)

    • Author: Nasir Bagdadi
      • Edition: Oct. - Dec. 2002,Issue No 8
      • Publisher: E-2, 8/14, Mayar Square, Block No.14 Gulshane-e-Iqbal
      • Year of Publication: Oct. - Dec. 2002,Issue No 8
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now