sabab thi fitrat-e-insan KHarab mausam ka

sabab thī fitrat-e-insāñ ḳharāb mausam kā

farishte jhel rahe haiñ 'azāb mausam kā

vo tishna-lab bhī fareb-e-nazar meñ aa.egā

use bhī DhūñD hī legā sarāb mausam kā

daraḳht yuuñ hī agar sabz sabz kaTte rahe

badal na jaa.e zamīñ par nisāb mausam kā

maiñ jis meñ rah na sakā jī-huzūriyoñ ke sabab

ye aadmī hai usī kāmyāb mausam kā

isī umiid meñ juuhī se bhar gayā āñgan

ki khilne vaalā hai ab ke gulāb mausam kā

bahār ho ga.ī phir apne-āp sharminda

kiyā thā dil ne bhī vo intiḳhāb mausam kā

khulīñ jo niiñd se āñkheñ hamārī yaañ 'āzar'

guzar chukā thā zamāna bhī ḳhvāb mausam kā

sabab thi fitrat-e-insan KHarab mausam ka

farishte jhel rahe hain 'azab mausam ka

wo tishna-lab bhi fareb-e-nazar mein aaega

use bhi DhunD hi lega sarab mausam ka

daraKHt yun hi agar sabz sabz kaTte rahe

badal na jae zamin par nisab mausam ka

main jis mein rah na saka ji-huzuriyon ke sabab

ye aadmi hai usi kaamyab mausam ka

isi umid mein juhi se bhar gaya aangan

ki khilne wala hai ab ke gulab mausam ka

bahaar ho gai phir apne-ap sharminda

kiya tha dil ne bhi wo intiKHab mausam ka

khulin jo nind se aankhen hamari yan 'azar'

guzar chuka tha zamana bhi KHwab mausam ka