saKHt-jaani ka sahi afsana hai

Muneer Shikohabadi

saKHt-jaani ka sahi afsana hai

Muneer Shikohabadi

MORE BYMuneer Shikohabadi

    saḳht-jānī sahī afsāna hai

    shāhid-e-teġh-e-zabāñ dandāna hai

    maqtal-e-ālam mirā vīrāna hai

    dīda-e-bismil charāġh-e-ḳhāna hai

    sham-e-raushan āriz-e-jānāna hai

    ḳhāl-e-mushkīñ sham.a parvāna hai

    dil meñ aks-e-chehra-e-jānāna hai

    aa.ine aa.ine meñ ḳhāna hai

    kaun duniyā meñ rahe dīvāna hai

    ek ujḌā musāfir ḳhāna hai

    terī mahfil ka.aba hai ai sham.a-rū

    tā.er-e-qibla-numā parvāna hai

    āñkheñ maltā huuñ tumhārī zulf se

    panja-e-mizhgāñ ba-rañg-e-shāna hai

    sham.a-rūoñ tajallī dekhiye

    kirmak-e-shab-tāb har parvāna hai

    āb-e-ḳhanjar kyā sharāb-e-nāb thī

    raqs-e-bismil laġhzish-e-mastāna hai

    ḳhalq-e-ālam ko pahuñchtā hai gazand

    nafs-e-ammāra sag-e-dīvāna hai

    bāda-noshān-e-azal haiñ ser-chashm

    jis taraf dekheñ udhar mai-ḳhāna hai

    abr aatā hai to biktī hai sharāb

    naqd-e-rahmat hāsil-e-mai-ḳhāna hai

    ek tere naam kartā huuñ zikr

    mujh ko vird-e-sub.ha-e-yak-dāna hai

    khāte haiñ añgūr piite haiñ sharāb

    bas yahī mastoñ āb-o-dāna hai

    kis taraf karte ho sajde zāhido

    ka.aba ek ujḌā huā but-ḳhāna hai

    chashm-e-mūsā ke hoñ parde kaan meñ

    lan-tarānī bayān afsāna hai

    ThanDe ThanDe sote haiñ zer-e-zamīñ

    gor apne vāste tah-ḳhāna hai

    kyā bane saudā tirā ai ḳhud-farosh

    mol jo ham ne kahā bai.āna hai

    dekhte haiñ but mirī betābiyāñ

    sar bahaknā sajda-e-shukrāna hai

    kyā tirā ā.īna-e-rū saaf hai

    naqd-e-jāñ letā yahāñ jurmāna hai

    garm naale sard haiñ ai ham-safīr

    zāhiran kunj-e-qafas ḳhas-ḳhāna hai

    mai-e-muft aaj qaazī ne halāl

    fī-sabīlillāh har mai-ḳhāna hai

    iḳhtilāt apne anāsir meñ nahīñ

    jo hai mere jism meñ begāna hai

    kyā samundar ko dikhā.eñ garmiyāñ

    dozaḳh apnā ek ātiash-ḳhāna hai

    ho ga.e misl-e-sulaimāñ ahl-e-ishq

    ai parī kyā himmat-e-mardāna hai

    dil hai ā.īna to askandar huuñ maiñ

    husn daulat mirā nazrāna hai

    arsh tak gardūñ se dekhā ai sanam

    saat ziine ye bālā-ḳhāna hai

    khel jaate haiñ hazāroñ jaan par

    ishq-bāzī bāzī-e-tiflāna hai

    jaan detā huuñ magar aatī nahīñ

    maut ko bhī nāz-e-ma.ashūqāna hai

    paate haiñ naqd-e-zar-e-gul be-hisāb

    bāġh-e-ālam us daulat-ḳhāna hai

    aaj hai mahv-e-shanā vo sham.a-rū

    har par-e-māhī par-e-parvāna hai

    dil kahāñ ye nafs-e-ammāra kahāñ

    aa.ina pesh sag-e-dīvāna hai

    iffat-e-mashshāta kis se ho bayāñ

    panja-e-maryam tumhārā shāna hai

    mai-kade ke kaam dil se lījiye

    ḳhum ḳhum paimāna paimāna hai

    lucknow mujh ko saudā hai 'munīr'

    dil husain-ābād par dīvāna hai

    saKHt-jaani ka sahi afsana hai

    shahid-e-tegh-e-zaban dandana hai

    maqtal-e-alam mera virana hai

    dida-e-bismil charagh-e-KHana hai

    sham-e-raushan aariz-e-jaanana hai

    KHal-e-mushkin shama ka parwana hai

    dil mein aks-e-chehra-e-jaanana hai

    aaine ka aaine mein KHana hai

    kaun duniya mein rahe diwana hai

    ek ujDa sa musafir KHana hai

    teri mahfil kaba hai ai shama-ru

    taer-e-qibla-numa parwana hai

    aankhen malta hun tumhaari zulf se

    panja-e-mizhgan ba-rang-e-shana hai

    shama-ruon ki tajalli dekhiye

    kirmak-e-shab-tab har parwana hai

    aab-e-KHanjar kya sharab-e-nab thi

    raqs-e-bismil laghzish-e-mastana hai

    KHalq-e-alam ko pahunchta hai gazand

    nafs-e-ammara sag-e-diwana hai

    baada-noshan-e-azal hain ser-chashm

    jis taraf dekhen udhar mai-KHana hai

    abr aata hai to bikti hai sharab

    naqd-e-rahmat hasil-e-mai-KHana hai

    ek tere nam ka karta hun zikr

    mujh ko wird-e-subha-e-yak-dana hai

    khate hain angur pite hain sharab

    bas yahi maston ka aab-o-dana hai

    kis taraf karte ho sajde zahido

    kaba ek ujDa hua but-KHana hai

    chashm-e-musa ke hon parde kan mein

    lan-tarani ka bayan afsana hai

    ThanDe ThanDe sote hain zer-e-zamin

    gor apne waste tah-KHana hai

    kya bane sauda tera ai KHud-farosh

    mol jo hum ne kaha baiana hai

    dekhte hain but meri betabiyan

    sar bahakna sajda-e-shukrana hai

    kya tera aaina-e-ru saf hai

    naqd-e-jaan leta yahan jurmana hai

    garm nale sard hain ai ham-safir

    zahiran kunj-e-qafas KHas-KHana hai

    ki mai-e-muft aaj qazi ne halal

    fi-sabilillah har mai-KHana hai

    iKHtilat apne anasir mein nahin

    jo hai mere jism mein begana hai

    kya samundar ko dikhaen garmiyan

    dozaKH apna ek aatiash-KHana hai

    ho gae misl-e-sulaiman ahl-e-ishq

    ai pari kya himmat-e-mardana hai

    dil hai aaina to askandar hun main

    husn ki daulat mera nazrana hai

    arsh tak gardun se dekha ai sanam

    sat zine ka ye baala-KHana hai

    khel jate hain hazaron jaan par

    ishq-bazi bazi-e-tiflana hai

    jaan deta hun magar aati nahin

    maut ko bhi naz-e-mashuqana hai

    pate hain naqd-e-zar-e-gul be-hisab

    bagh-e-alam us ka daulat-KHana hai

    aaj hai mahw-e-shana wo shama-ru

    har par-e-mahi par-e-parwana hai

    dil kahan ye nafs-e-ammara kahan

    aaina pesh sag-e-diwana hai

    iffat-e-mashshata kis se ho bayan

    panja-e-maryam tumhaara shana hai

    mai-kade ke kaam dil se lijiye

    KHum ka KHum paimana ka paimana hai

    lucknow ka mujh ko sauda hai 'munir'

    dil husain-abaad par diwana hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY