aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sard sannaTon ki sab sargoshiyan le jaunga

Chandrabhan Khayal

sard sannaTon ki sab sargoshiyan le jaunga

Chandrabhan Khayal

MORE BYChandrabhan Khayal

    Interesting Fact

    1981

    sard sannāToñ sab sargoshiyāñ le jā.ūñgā

    maiñ jahāñ bhī jā.ūñgā dil zabāñ le jā.ūñgā

    shahr chhoḌūñgā to ro.eñgī miloñ chimniyāñ

    dekhnā ik roz maiñ saarā dhuāñ le jā.ūñgā

    vo jahāñ chāhe chalā jaa.e ye us iḳhtiyār

    sochnā ye hai ki maiñ ḳhud ko kahāñ le jā.ūñgā

    sat.h-e-dariyā raqs meñ hai aaj mujh ko dekh kar

    aaj maiñ us paar apnā kārvāñ le jā.ūñgā

    vo agar do-chār qatroñ se navāzegā to kyā

    ek ik qatre meñ bahr-e-be-karāñ le jā.ūñgā

    manzaroñ ko kyā ḳhabar hogī ki un ke vāste

    qurbateñ taqsīm kar ke dūriyāñ le jā.ūñgā

    jin añdheroñ se tumheñ har-vaqt vahshat hai ḳhayāl

    un añdheroñ tak tumhārī dāstāñ le jā.ūñgā

    sard sannaTon ki sab sargoshiyan le jaunga

    main jahan bhi jaunga dil ki zaban le jaunga

    shahr chhoDunga to roengi milon ki chimniyan

    dekhna ek roz main sara dhuan le jaunga

    wo jahan chahe chala jae ye us ka iKHtiyar

    sochna ye hai ki main KHud ko kahan le jaunga

    sath-e-dariya raqs mein hai aaj mujh ko dekh kar

    aaj main us par apna karwan le jaunga

    wo agar do-chaar qatron se nawazega to kya

    ek ek qatre mein bahr-e-be-karan le jaunga

    manzaron ko kya KHabar hogi ki un ke waste

    qurbaten taqsim kar ke duriyan le jaunga

    jin andheron se tumhein har-waqt wahshat hai KHayal

    un andheron tak tumhaari dastan le jaunga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now