sarir-e-saltanat se aastan-e-yar behtar tha

sarīr-e-saltanat se āstān-e-yār behtar thā

hameñ zill-e-humā se sāya-e-dīvār behtar thā

mujhe dukh phir diyā tū ne muñDā kar sabza-e-ḳhat ko

jarāhat ko mire vo marham-e-zañgār behtar thā

mujhe zanjīr karnā kyā munāsib thā bahārāñ meñ

ki gul hāthoñ meñ aur paañv meñ mere ḳhaar behtar thā

hamoñ ne hijr se kuchh vasl meñ dhaḌke bahut dekhe

hamāre haq meñ is rāhat se vo āzār behtar thā

mirā dil mar gayā jis din ki nazzāre se baaz aayā

'yaqīñ' parhez agar kartā to ye bīmār behtar thā

sarir-e-saltanat se aastan-e-yar behtar tha

hamein zill-e-huma se saya-e-diwar behtar tha

mujhe dukh phir diya tu ne munDa kar sabza-e-KHat ko

jarahat ko mere wo marham-e-zangar behtar tha

mujhe zanjir karna kya munasib tha bahaaran mein

ki gul hathon mein aur panw mein mere KHar behtar tha

hamon ne hijr se kuchh wasl mein dhaDke bahut dekhe

hamare haq mein is rahat se wo aazar behtar tha

mera dil mar gaya jis din ki nazzare se baz aaya

'yaqin' parhez agar karta to ye bimar behtar tha