shikwa sun kar jo mizaj-e-but-e-bad-KHu badla

Bekhud Badayuni

shikwa sun kar jo mizaj-e-but-e-bad-KHu badla

Bekhud Badayuni

MORE BY Bekhud Badayuni

    shikva sun kar jo mizāj-e-but-e-bad-ḳhū badlā

    ham ne bhī saath taqrīr pahlū badlā

    kahiye to kis ke phañsāne ye tadbīreñ haiñ

    aaj kyuuñ chīñ-ba-jabīñ se ḳham-e-gesū badlā

    ik tirā rabt ki do din kabhī yaksāñ na rahā

    ik mirā haal ki hargiz na sar-e-mū badlā

    un hasīnoñ ko zebā hai talavvun ai dil

    haañ ḳhabar-dār jo bhūle se kabhī badlā

    dil-e-muztar taḌap se jo maiñ taḌpā 'beḳhud'

    chāra-gar ḳhush haiñ ki bīmār ne pahlū badlā

    shikwa sun kar jo mizaj-e-but-e-bad-KHu badla

    hum ne bhi sath hi taqrir ka pahlu badla

    kahiye to kis ke phansane ki ye tadbiren hain

    aaj kyun chin-ba-jabin se KHam-e-gesu badla

    ek tera rabt ki do din kabhi yaksan na raha

    ek mera haal ki hargiz na sar-e-mu badla

    un hasinon hi ko zeba hai talawwun ai dil

    han KHabar-dar jo bhule se kabhi tu badla

    dil-e-muztar ki taDap se jo main taDpa 'beKHud'

    chaara-gar KHush hain ki bimar ne pahlu badla

    Source:

    • Book : Intekhab-e-Sukhan(Jild-2) (Pg. 183)
    • Author : Hasrat Mohani
    • Publication : uttar pradesh urdu academy (1983)
    • Edition : 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY