aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shoalon se mohabbat ki meri jaan mein lagi aag

Maatam Fazl Mohammad

shoalon se mohabbat ki meri jaan mein lagi aag

Maatam Fazl Mohammad

MORE BYMaatam Fazl Mohammad

    sho.aloñ se mohabbat mirī jaañ meñ lagī aag

    phir jaañ se bhaḌak jism ke maidāñ meñ lagī aag

    ye ātish-e-ġham hai ki dam-e-sard se apne

    sar-chashma-e-ḳhurshīd-e-daraḳhshāñ meñ lagī aag

    us huur ke kūche meñ bhare ham jo dam-e-garm

    mardum ne kahā rauza-e-rizvāñ meñ lagī aag

    ḳhandāñ jo huā yaar hameñ dekh ke giryāñ

    logoñ ne kahā barq se bārāñ meñ lagī aag

    in rozoñ meñ hai rañg jo ashkoñ gulābī

    shāyad ki mire dīda-e-giryāñ meñ lagī aag

    garmī se nagar ke tire gun aab huā dekh

    bulbul ne pukārā ki gulistāñ meñ lagī aag

    naarī haiñ jo pariyāñ ye sabab hai ki tumhāre

    nūr-e-ruḳh-e-raushan se paristāñ meñ lagī aag

    us ātishīñ-rū ko ba-lab-e-bām jo dekhā

    aalam ne kahā gumbad-e-gardāñ meñ lagī aag

    dariyā meñ vo dhoyā thā kabhī dast-e-hinā.ī

    hasrat se vahīñ panja-e-marjāñ meñ lagī aag

    ġhairoñ taraf jo nazar-e-mehr se dekhā

    ġhairat se mire sīna-e-sozāñ meñ lagī aag

    kyuuñ kohkan-o-qais raheñ mujh se na nālāñ

    nāloñ se mire koh-o-bayābāñ meñ lagī aag

    vo soḳhta-dil huuñ maiñ pas-az-marg jo guzrā

    marqad se mire yaar ke dāmāñ meñ lagī aag

    'mātam' hai kisī soḳhta-dil asar-e-āh

    be-vaj.h nahīñ kūcha-e-jānāñ meñ lagī aag

    shoalon se mohabbat ki meri jaan mein lagi aag

    phir jaan se bhaDak jism ke maidan mein lagi aag

    ye aatish-e-gham hai ki dam-e-sard se apne

    sar-chashma-e-KHurshid-e-daraKHshan mein lagi aag

    us hur ke kuche mein bhare hum jo dam-e-garm

    mardum ne kaha rauza-e-rizwan mein lagi aag

    KHandan jo hua yar hamein dekh ke giryan

    logon ne kaha barq se baran mein lagi aag

    in rozon mein hai rang jo ashkon ka gulabi

    shayad ki mere dida-e-giryan mein lagi aag

    garmi se nagar ke tere gun aab hua dekh

    bulbul ne pukara ki gulistan mein lagi aag

    nari hain jo pariyan ye sabab hai ki tumhaare

    nur-e-ruKH-e-raushan se paristan mein lagi aag

    us aatishin-ru ko ba-lab-e-baam jo dekha

    aalam ne kaha gumbad-e-gardan mein lagi aag

    dariya mein wo dhoya tha kabhi dast-e-hinai

    hasrat se wahin panja-e-marjaan mein lagi aag

    ghairon ki taraf jo nazar-e-mehr se dekha

    ghairat se mere sina-e-sozan mein lagi aag

    kyun kohkan-o-qais rahen mujh se na nalan

    nalon se mere koh-o-bayaban mein lagi aag

    wo soKHta-dil hun main pas-az-marg jo guzra

    marqad se mere yar ke daman mein lagi aag

    'matam' hai kisi soKHta-dil ka asar-e-ah

    be-wajh nahin kucha-e-jaanan mein lagi aag

    Source:

    Deewan-e-Matam (Pg. ebook-169 page-146)

    • Author: Maatam Fazl Mohammad
      • Edition: 1990
      • Publisher: Sindhi Adabi Board, Karachi
      • Year of Publication: 1990
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now