thi siyahiyon ka maskan meri zindagi ki wadi

thī siyāhiyoñ kā maskan mirī zindagī kī vaadī

tire husn ke tasadduq mujhe raushnī dikhā dī

tirā ġham samā gayā hai mire dil kī dhaḌkanoñ meñ

koī aish jab bhī aayā mire dil ne bad-duā dī

jo zarā bhī niiñd aa.ī kabhī ahl-e-kārvāñ ko

vahī ban ga.e luTere jo bane hue the haadī

vo kabhī na ban sakī hai vo kabhī na ban sakegī

kisī dil kī jo imārat tirī be-ruḳhī ne Dhā dī

ye kabhī kabhī ināyat hai ba-manzil-e-siyāsat

ki jafā.eñ sahne vaalā kahīñ ho na jaa.e aadī

hameñ āḳhirat meñ 'āmir' vahī umr kaam aa.ī

jise kah rahī thī duniyā ġham-e-ishq meñ gañvā dī

thi siyahiyon ka maskan meri zindagi ki wadi

tere husn ke tasadduq mujhe raushni dikha di

tera gham sama gaya hai mere dil ki dhaDkanon mein

koi aish jab bhi aaya mere dil ne bad-dua di

jo zara bhi nind aai kabhi ahl-e-karwan ko

wahi ban gae luTere jo bane hue the hadi

wo kabhi na ban saki hai wo kabhi na ban sakegi

kisi dil ki jo imarat teri be-ruKHi ne Dha di

ye kabhi kabhi inayat hai ba-manzil-e-siyasat

ki jafaen sahne wala kahin ho na jae aadi

hamein aaKHirat mein 'amir' wahi umr kaam aai

jise kah rahi thi duniya gham-e-ishq mein ganwa di