teri nigah faromaya hath hai kotah
Interesting Fact
Baal-e-Gibril
tirī nigāh faromāya haath hai kotāh
tirā gunah ki naḳhīl-e-buland kā hai gunāh
galā to ghoñT diyā ahl-e-madrasa ne tirā
kahāñ se aa.e sadā lā ilaah il-lallāh
ḳhudī meñ gum hai ḳhudā.ī talāsh kar ġhāfil
yahī hai tere liye ab salāh-e-kār kī raah
hadīs-e-dil kisī darvesh-e-be-galīm se pūchh
ḳhudā kare tujhe tere maqām se āgāh
barahna sar hai to azm-e-buland paidā kar
yahāñ faqat sar-e-shāhīñ ke vāste hai kulāh
na hai sitāre kī gardish na bāzi-e-aflāk
ḳhudī kī maut hai terā zavāl-e-nemat-o-jāh
uThā maiñ madrasa o ḳhānqāh se ġhamnāk
na zindagī na mohabbat na ma.arifat na nigāh
teri nigah faromaya hath hai kotah
tera gunah ki naKHil-e-buland ka hai gunah
gala to ghonT diya ahl-e-madrasa ne tera
kahan se aae sada la ilah il-lallah
KHudi mein gum hai KHudai talash kar ghafil
yahi hai tere liye ab salah-e-kar ki rah
hadis-e-dil kisi darwesh-e-be-galim se puchh
KHuda kare tujhe tere maqam se aagah
barahna sar hai to azm-e-buland paida kar
yahan faqat sar-e-shahin ke waste hai kulah
na hai sitare ki gardish na bazi-e-aflak
KHudi ki maut hai tera zawal-e-nemat-o-jah
uTha main madrasa o KHanqah se ghamnak
na zindagi na mohabbat na marifat na nigah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
