tujh badan par jo lal sari hai

Faez Dehlvi

tujh badan par jo lal sari hai

Faez Dehlvi

MORE BY Faez Dehlvi

    tujh badan par jo laal saarī hai

    aql us ne mirī bisārī hai

    baal dekhe haiñ jab suuñ maiñ tere

    zulf dil kuuñ be-qarārī hai

    qad alif huā mirā jiyūñ daal

    ishq bojh saḳht bhārī hai

    sab ke siine ko chhed Daalā hai

    palk terī magar kaTārī hai

    oḌhnī uudī par kanārī zard

    gird shab ke suraj dhārī hai

    qahr o lutf o tabassum-o-ḳhanda

    terī har ik adā piyārī hai

    tirchhī nazrāñ suuñ dekhnā hañs hañs

    mor se chaal tujh niyārī hai

    zinda 'fā.ez' dil huā tujh suuñ

    husn terā faiz-e-bāī hai

    tujh badan par jo lal sari hai

    aql us ne meri bisari hai

    baal dekhe hain jab sun main tere

    zulf si dil kun be-qarari hai

    qad alif sa hua mera jiyun dal

    ishq ka bojh saKHt bhaari hai

    sab ke sine ko chhed Dala hai

    palk teri magar kaTari hai

    oDhni udi par kanari zard

    gird shab ke suraj ki dhaari hai

    qahr o lutf o tabassum-o-KHanda

    teri har ek ada piyari hai

    tirchhi nazran sun dekhna hans hans

    mor se chaal tujh niyari hai

    zinda 'faez' ka dil hua tujh sun

    husn tera bi faiz-e-bai hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY