tu zamin par hai kahkashan jaisa
tū zamīñ par hai kahkashāñ jaisā
maiñ kisī qabr ke nishāñ jaisā
maiñ ne har haal meñ kiyā hai shukr
us ne rakkhā mujhe jahāñ jaisā
ho ga.ī vo bahan bhī ab ruḳhsat
pyaar jis ne diyā thā maañ jaisā
fāsla kyuuñ diloñ meñ aayā hai
ghar ke āñgan ke darmiyāñ jaisā
mere dil ko milā na lafz koī
mere ashkoñ ke tarjumāñ jaisā
mere ik sher meñ samāyā hai
karb sadiyoñ kī dāstāñ jaisā
shahr meñ ek mujh ko dikhlā do
tum mire gaañv ke javāñ jaisā
jhiil sī in udaas āñkhoñ meñ
aks thā niile āsmāñ jaisā
mujh ko vaisā ḳhudā milā bilkul
maiñ ne 'ārif' kiyā gumāñ jaisā
tu zamin par hai kahkashan jaisa
main kisi qabr ke nishan jaisa
main ne har haal mein kiya hai shukr
us ne rakkha mujhe jahan jaisa
ho gai wo bahan bhi ab ruKHsat
pyar jis ne diya tha man jaisa
fasla kyun dilon mein aaya hai
ghar ke aangan ke darmiyan jaisa
mere dil ko mila na lafz koi
mere ashkon ke tarjuman jaisa
mere ek sher mein samaya hai
karb sadiyon ki dastan jaisa
shahr mein ek mujh ko dikhla do
tum mere ganw ke jawan jaisa
jhil si in udas aankhon mein
aks tha nile aasman jaisa
mujh ko waisa KHuda mila bilkul
main ne 'arif' kiya guman jaisa
Source:
Pakistani Adab (Pg. 597)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
