us peD ko chhua to samar-dar ho gaya

Afzal Minhas

us peD ko chhua to samar-dar ho gaya

Afzal Minhas

MORE BYAfzal Minhas

    us peḌ ko chhuā to samar-dār ho gayā

    phir jaane kyā huā vo sharar-bār ho gayā

    mausam bhuul thī ki mirī dastaras baat

    patthar se ek phuul numūdār ho gayā

    bikhre hue haiñ dil meñ mirī ḳhvāhishoñ ke rañg

    ab maiñ bhī ik sajā huā bāzār ho gayā

    ik baar maiñ bhī ḳhvāb meñ baiThā thā taḳht par

    āñkheñ khulīñ to aur bhī nādār ho gayā

    pahle to sar ko phoḌ liyā us ko dekh kar

    phir maiñ bhī ek rauzan-e-dīvār ho gayā

    vaise tamām umr mirī niiñd meñ kaTī

    ghar meñ naqab lagī to maiñ bedār ho gayā

    yaaro ye zindagī makāñ bhī ajiib hai

    ta.amīr ho gayā kabhī mismār ho gayā

    lafzoñ ke phuul aañch dene lage mujhe

    bebāk aaj sho.ala-e-guftār ho gayā

    dushman nazar paḌā to miTīñ ranjisheñ tamām

    laḌne ko saarā shahr tayyār ho gayā

    mujrim barī huā to ka.ī qatl ho ga.e

    bastī ik ġharīb giraftār ho gayā

    'afzal' kuchh is tarah achānak havā chalī

    sāñseñ bahāl rakhnā bhī dushvār ho gayā

    us peD ko chhua to samar-dar ho gaya

    phir jaane kya hua wo sharar-bar ho gaya

    mausam ki bhul thi ki meri dastaras ki baat

    patthar se ek phul numudar ho gaya

    bikhre hue hain dil mein meri KHwahishon ke rang

    ab main bhi ek saja hua bazar ho gaya

    ek bar main bhi KHwab mein baiTha tha taKHt par

    aankhen khulin to aur bhi nadar ho gaya

    pahle to sar ko phoD liya us ko dekh kar

    phir main bhi ek rauzan-e-diwar ho gaya

    waise tamam umr meri nind mein kaTi

    ghar mein naqab lagi to main bedar ho gaya

    yaro ye zindagi ka makan bhi ajib hai

    tamir ho gaya kabhi mismar ho gaya

    lafzon ke phul aanch si dene lage mujhe

    bebak aaj shoala-e-guftar ho gaya

    dushman nazar paDa to miTin ranjishen tamam

    laDne ko sara shahr hi tayyar ho gaya

    mujrim bari hua to kai qatl ho gae

    basti ka ek gharib giraftar ho gaya

    'afzal' kuchh is tarah ki achanak hawa chali

    sansen bahaal rakhna bhi dushwar ho gaya

    Source :
    • Book : siip (Magzin) (Pg. 235)
    • Author : Nasiim Durraani
    • Publication : Fikr-e-Nau (39 (Quarterly))
    • Edition : 39 (Quarterly)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY