aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wan hai ye bad-gumani jawe hijab kyunkar

Jurat Qalandar Bakhsh

wan hai ye bad-gumani jawe hijab kyunkar

Jurat Qalandar Bakhsh

MORE BYJurat Qalandar Bakhsh

    vaañ hai ye bad-gumānī jaave hijāb kyūñkar

    do din ke vāste ho koī ḳharāb kyūñkar

    qāsid javāb-e-ḳhat ham likh deñ shitāb kyūñkar

    vaañ to javāb māñgā likhiye javāb kyūñkar

    ḳhvāb-o-ḳhayāl suunā yaañ ho gayā hai jis bin

    hairāñ huuñ maiñ ki us ko aave hai ḳhvāb kyūñkar

    us sabza-rañg hai garmī-e-husn goyā

    chamke hai mahr dekho zer-e-sahāb kyūñkar

    kahtī haiñ chitvaneñ yuuñ ban-Than ke jab vo nikle

    ab dekhne dekheñ lāvegā taab kyūñkar

    vo vasl meñ bhī hañs hañs pūchhe hai lo batāo

    kal ro.eñgī tumhārī chashm-e-pur-āb kyūñkar

    dil jis se lag gayā hai vo chhup rahā hai ham se

    dauḌe phireñ na har pur-iztirāb kyūñkar

    allāh-re bhulāpā muñh dho ke ḳhud vo bole

    ''sūñgho to ho gayā ye paanī gulāb kyūñkar''

    chālākiyoñ ko sun kar us ġhairat-e-parī

    gar ruk ke kahiye us ham laa.eñ taab kyūñkar

    to yuuñ lage jatāne ''miyāñ tum to ho divāne

    rahne de ham ko nichlā ahd-e-shabāb kyūñkar''

    avval bhī ḳhaak the āḳhir bhī ḳhaak hoñge

    har dam kaheñ na 'jur.at' bū-turāb kyūñkar

    wan hai ye bad-gumani jawe hijab kyunkar

    do din ke waste ho koi KHarab kyunkar

    qasid jawab-e-KHat hum likh den shitab kyunkar

    wan to jawab manga likhiye jawab kyunkar

    KHwab-o-KHayal suna yan ho gaya hai jis bin

    hairan hun main ki us ko aawe hai KHwab kyunkar

    us sabza-rang ki hai garmi-e-husn goya

    chamke hai mahr dekho zer-e-sahab kyunkar

    kahti hain chitwanen yun ban-Than ke jab wo nikle

    ab dekhne ki dekhen lawega tab kyunkar

    wo wasl mein bhi hans hans puchhe hai lo batao

    kal roengi tumhaari chashm-e-pur-ab kyunkar

    dil jis se lag gaya hai wo chhup raha hai hum se

    dauDe phiren na har su pur-iztirab kyunkar

    allah-re bhulapa munh dho ke KHud wo bole

    sungho to ho gaya ye pani gulab kyunkar

    chaalakiyon ko sun kar us ghairat-e-pari ki

    gar ruk ke kahiye us ki hum laen tab kyunkar

    to yun lage jatane miyan tum to ho diwane

    rahne de hum ko nichla ahd-e-shabab kyunkar

    awwal bhi KHak hi the aaKHir bhi KHak honge

    har dam kahen na 'jurat' ya bu-turab kyunkar

    Source:

    Kulliyat-e-Jura t áVolume-01 â (Pg. page-342 ebook-382)

    • Author: Jurat Qalandar Bakhsh
      • Edition: 1968
      • Publisher: Majlis-e-Taraqqi-e-Adab, Lahore
      • Year of Publication: 1968
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now