wafa ka meri kya sila dijiyega

vafā kā mirī kyā silā dījiyegā

ġham-e-dil kī lazzat baḌhā dījiyegā

mujhe dekh kar muskurā dījiyegā

yūñhī merī hastī miTā dījiyegā

sila dil lagāne kā kyā dījiyegā

sitam dījiyegā sazā dījiyegā

sukūñ kī talab mujh ko hargiz nahīñ hai

bas ik dard kā silsila dījiyegā

ḳhushī bāñTne ke nahīñ aap qaa.il

to ġham hī mujhe kuchh sivā dījiyegā

mujhe kyā ḳhabar thī ki ḳhud lauh-e-dil par

mirā naam likh kar miTā dījiyegā

sukūn qalb ko jis se mil jaa.e 'tābāñ'

ġhazal koī aisī sunā dījiyegā

wafa ka meri kya sila dijiyega

gham-e-dil ki lazzat baDha dijiyega

mujhe dekh kar muskura dijiyega

yunhi meri hasti miTa dijiyega

sila dil lagane ka kya dijiyega

sitam dijiyega saza dijiyega

sukun ki talab mujh ko hargiz nahin hai

bas ek dard ka silsila dijiyega

KHushi banTne ke nahin aap qail

to gham hi mujhe kuchh siwa dijiyega

mujhe kya KHabar thi ki KHud lauh-e-dil par

mera nam likh kar miTa dijiyega

sukun qalb ko jis se mil jae 'taban'

ghazal koi aisi suna dijiyega