aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wasl aasan hai kya mushkil hai

Hafeez Jaunpuri

wasl aasan hai kya mushkil hai

Hafeez Jaunpuri

MORE BYHafeez Jaunpuri

    vasl āsān hai kyā mushkil hai

    tujh ko ye dhyān hai kyā mushkil hai

    vaz.a dhyān hai kyā mushkil hai

    dost nādān hai kyā mushkil hai

    hoñT par jaan hai kyā mushkil hai

    mushkil āsān hai kyā mushkil hai

    haa.e dīvāna banā kar kahnā

    phir bhī ik shaan hai kyā mushkil hai

    ab jagah chāhiye vahshat ko mirī

    tañg maidān hai kyā mushkil hai

    jis ko mar miT ke miTāyā thā abhī

    phir vahī dhyān hai kyā mushkil hai

    be-bulā.e kahīñ jaane ke nahīñ

    aa paḌī aan hai kyā mushkil hai

    ham na uThte haiñ na vo dete haiñ

    haath meñ paan hai kyā mushkil hai

    ham ko samjhā.e samajh nāseh

    phir ye ehsān hai kyā mushkil hai

    mere bad-ahd ko allāh rakhe

    maut āsān hai kyā mushkil hai

    us ne rakkhā hai vo darbāñ jis se

    jān-pahchān hai kyā mushkil hai

    shaiḳh kartā hai butoñ ġhībat

    phir musalmān hai kyā mushkil hai

    husn par ḳhalq miTī jaatī hai

    jo hai qurbān hai kyā mushkil hai

    hijr meñ jaan nikaltī nahīñ aah

    ye bhī armān hai kyā mushkil hai

    bandagī but ḳhudā ke bande

    kufr īmān hai kyā mushkil hai

    chāragar ko hai mire fikr-e-davā

    dard jaan hai kyā mushkil hai

    bazm meñ zahr ugalne ko adū

    dar pe darbān hai kyā mushkil hai

    yuuñ to pahle bhī mohabbat thī 'hafīz'

    ab to īmān hai kyā mushkil hai

    wasl aasan hai kya mushkil hai

    tujh ko ye dhyan hai kya mushkil hai

    waza ka dhyan hai kya mushkil hai

    dost nadan hai kya mushkil hai

    honT par jaan hai kya mushkil hai

    mushkil aasan hai kya mushkil hai

    hae diwana bana kar kahna

    phir bhi ek shan hai kya mushkil hai

    ab jagah chahiye wahshat ko meri

    tang maidan hai kya mushkil hai

    jis ko mar miT ke miTaya tha abhi

    phir wahi dhyan hai kya mushkil hai

    be-bulae kahin jaane ke nahin

    aa paDi aan hai kya mushkil hai

    hum na uThte hain na wo dete hain

    hath mein pan hai kya mushkil hai

    hum ko samjhae samajh naseh ki

    phir ye ehsan hai kya mushkil hai

    mere bad-ahd ko allah rakhe

    maut aasan hai kya mushkil hai

    us ne rakkha hai wo darban jis se

    jaan-pahchan hai kya mushkil hai

    shaiKH karta hai buton ki ghibat

    phir musalman hai kya mushkil hai

    husn par KHalq miTi jati hai

    jo hai qurban hai kya mushkil hai

    hijr mein jaan nikalti nahin aah

    ye bhi arman hai kya mushkil hai

    bandagi but ki KHuda ke bande

    kufr iman hai kya mushkil hai

    chaaragar ko hai mere fikr-e-dawa

    dard hi jaan hai kya mushkil hai

    bazm mein zahr ugalne ko adu

    dar pe darban hai kya mushkil hai

    yun to pahle bhi mohabbat thi 'hafiz'

    ab to iman hai kya mushkil hai

    Source:

    Kulliyat-e-Hafeez Jaunpuri (Pg. Ghazal Number-260 Page Number-222)

    • Author: Tufail Ahmad Ansari
      • Edition: 2010
      • Publisher: Qaumi Council Baraye Farogh-e-urdu Zaban
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now