watan-nasib kahan apni qismaten hongi

Manzar Bhopali

watan-nasib kahan apni qismaten hongi

Manzar Bhopali

MORE BY Manzar Bhopali

    vatan-nasīb kahāñ apnī qismateñ hoñgī

    jahāñ bhī jā.eñge ham saath hijrateñ hoñgī

    kabhī to sāhib-e-dīvār-o-dar baneñge ham

    kabhī to sar pe hamāre na.ī chhateñ hoñgī

    ye ashk tere mire rā.egāñ na jā.eñge

    unhīñ charāġhoñ se raushan mohabbateñ hoñgī

    tirī adā meñ hai inkār bhī ijāzat bhī

    jo ham mileñge to duurī na qurbateñ hoñgī

    amal durust kareñ apne rahnumā.e-kirām

    kahūñgā saaf to sab ko shikāyateñ hoñgī

    ham un ke sāmne sach bolne ke mujrim haiñ

    hamīñ pe vaqt saarī ināyateñ hoñgī

    hameñ to apne masā.il hal bhī hai darkār

    tumhāre paas to ḳhālī bashārateñ hoñgī

    vahāñ pe qāfile bhaTkeñge tai hai ye 'manzar'

    jahāñ usuul se ḳhālī qayādateñ hoñgī

    abhī to qaid haiñ jazboñ āñdhiyāñ dil meñ

    hamārā sabr jo toḌā qayāmateñ hoñgī

    watan-nasib kahan apni qismaten hongi

    jahan bhi jaenge hum sath hijraten hongi

    kabhi to sahib-e-diwar-o-dar banenge hum

    kabhi to sar pe hamare nai chhaten hongi

    ye ashk tere mere raegan na jaenge

    unhin charaghon se raushan mohabbaten hongi

    teri ada mein hai inkar bhi ijazat bhi

    jo hum milenge to duri na qurbaten hongi

    amal durust karen apne rahnumae-kiram

    kahunga saf to sab ko shikayaten hongi

    hum un ke samne sach bolne ke mujrim hain

    hamin pe waqt ki sari inayaten hongi

    hamein to apne masail ka hal bhi hai darkar

    tumhaare pas to KHali bashaaraten hongi

    wahan pe qafile bhaTkenge tai hai ye 'manzar'

    jahan usul se KHali qayaadaten hongi

    abhi to qaid hain jazbon ki aandhiyan dil mein

    hamara sabr jo toDa qayamaten hongi

    Source:

    • Book: Zindagi (Pg. 43)
    • Author: Manzar Bhopali
    • Publication: Nasir Publicans, Urdu Bazar Krachi (P.K.) (1993)
    • Edition: 1993
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites