wo ahd-e-gham ki kahish-ha-e-be-hasil ko kya samjhe

vo ahd-e-ġham kī kāhish-hā-e-be-hāsil ko kyā samjhe

jo un kī muḳhtasar rūdād bhī sabr-āzmā samjhe

yahāñ vābastagī vaañ barhamī kyā jāniye kyuuñ hai

na ham apnī nazar samjhe na ham un kī adā samjhe

fareb-e-ārzū kī sahl-añgārī nahīñ jaatī

ham apne dil kī dhaḌkan ko tirī āvāz-e-pā samjhe

tumhārī har nazar se munsalik hai rishta-e-hastī

magar ye duur kī bāteñ koī nādān kyā samjhe

na pūchho ahd-e-ulfat kī bas ik ḳhvāb-e-pareshāñ thā

na dil ko raah par laa.e na dil kā mudda.ā samjhe

wo ahd-e-gham ki kahish-ha-e-be-hasil ko kya samjhe

jo un ki muKHtasar rudad bhi sabr-azma samjhe

yahan wabastagi wan barhami kya jaaniye kyun hai

na hum apni nazar samjhe na hum un ki ada samjhe

fareb-e-arzu ki sahl-angari nahin jati

hum apne dil ki dhaDkan ko teri aawaz-e-pa samjhe

tumhaari har nazar se munsalik hai rishta-e-hasti

magar ye dur ki baaten koi nadan kya samjhe

na puchho ahd-e-ulfat ki bas ek KHwab-e-pareshan tha

na dil ko rah par lae na dil ka muddaa samjhe