wo barsat ki shab wo pichhla pahar

vo barsāt kī shab vo pichhlā pahar

añdhere ke pahlū meñ sunsān ghar

khuleñge abhī aur kis kis ke dar

kahāñ ḳhatm hogā lahū kā safar

kuchh apne aqā.ed bhī kamzor the

larazte the saa.e bhī dīvār par

ujāle simaTte rahe aañkh meñ

sitāre bikharte rahe farsh par

badan meñ pighaltī rahī chāñdnī

lahū meñ sulagtī rahī dopahar

kabhī ḳhaak vāloñ kī bāteñ bhī sun

kabhī āsmānoñ se nīche utar

qadam ghar meñ rakhte hī ghāyal huā

gire TuuT kar mujh pe dīvār-o-dar

wo barsat ki shab wo pichhla pahar

andhere ke pahlu mein sunsan ghar

khulenge abhi aur kis kis ke dar

kahan KHatm hoga lahu ka safar

kuchh apne aqaed bhi kamzor the

larazte the sae bhi diwar par

ujale simaTte rahe aankh mein

sitare bikharte rahe farsh par

badan mein pighalti rahi chandni

lahu mein sulagti rahi dopahar

kabhi KHak walon ki baaten bhi sun

kabhi aasmanon se niche utar

qadam ghar mein rakhte hi ghayal hua

gire TuT kar mujh pe diwar-o-dar