wo Dhal raha hai to ye bhi rangat badal rahi hai
vo Dhal rahā hai to ye bhī rañgat badal rahī hai
zamīn sūraj kī uñgliyoñ se phisal rahī hai
jo mujh ko zinda jalā rahe haiñ vo be-ḳhabar haiñ
ki merī zanjīr dhīre dhīre pighal rahī hai
maiñ qatl to ho gayā tumhārī galī meñ lekin
mire lahū se tumhārī dīvār gal rahī hai
na jalne paate the jis ke chūlhe bhī har savere
sunā hai kal raat se vo bastī bhī jal rahī hai
maiñ jāntā huuñ ki ḳhāmushī meñ hī maslahat hai
magar yahī maslahat mire dil ko khal rahī hai
kabhī to insān zindagī kī karegā izzat
ye ek ummīd aaj bhī dil meñ pal rahī hai
wo Dhal raha hai to ye bhi rangat badal rahi hai
zamin suraj ki ungliyon se phisal rahi hai
jo mujh ko zinda jala rahe hain wo be-KHabar hain
ki meri zanjir dhire dhire pighal rahi hai
main qatl to ho gaya tumhaari gali mein lekin
mere lahu se tumhaari diwar gal rahi hai
na jalne pate the jis ke chulhe bhi har sawere
suna hai kal raat se wo basti bhi jal rahi hai
main jaanta hun ki KHamushi mein hi maslahat hai
magar yahi maslahat mere dil ko khal rahi hai
kabhi to insan zindagi ki karega izzat
ye ek ummid aaj bhi dil mein pal rahi hai
Source:
tarkash (Pg. 66)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
