wo kya gae payam-e-safar de gae mujhe

Aleem Akhtar

wo kya gae payam-e-safar de gae mujhe

Aleem Akhtar

MORE BY Aleem Akhtar

    vo kyā ga.e payām-e-safar de ga.e mujhe

    ik jazba-e-junūn-e-asar de ga.e mujhe

    har samt dekhtī hai jo un ke jamāl ko

    vo ik nigāh-e-jalva-nagar de ga.e mujhe

    har-chand karb-e-marg hai mahsūs har nafas

    lutf-e-hayāt-e-ishq magar de ga.e mujhe

    tasvīr-e-huzn-o-yās banā kar chale ga.e

    lab-hā-e-ḳhushk o dīda-e-tar de ga.e mujhe

    bedār kar ga.e sahar-o-shām-e-zindagī

    āh-o-fuġhān-e-shām-o-sahar de ga.e mujhe

    jamtī nahīñ nigāh kisī chiiz par bhī ab

    ik ḳhīragi-e-tāb-e-nazar de ga.e mujhe

    arz-e-hadīs-e-shauq pe sharmā ke rah ga.e

    kitnā hasīñ javāb magar de ga.e mujhe

    mere sukūn-e-qalb ko le kar chale ga.e

    aur iztirāb-e-dard-e-jigar de ga.e mujhe

    mahrūm-e-shash-jahāt nigāhoñ ko kar ga.e

    bas ik nigāh-e-jānib-e-dar de ga.e mujhe

    'aḳhtar' vo aa.e aur chale bhī ga.e magar

    ik lutf-e-iztirāb-e-asar de ga.e mujhe

    wo kya gae payam-e-safar de gae mujhe

    ek jazba-e-junun-e-asar de gae mujhe

    har samt dekhti hai jo un ke jamal ko

    wo ek nigah-e-jalwa-nagar de gae mujhe

    har-chand karb-e-marg hai mahsus har nafas

    lutf-e-hayat-e-ishq magar de gae mujhe

    taswir-e-huzn-o-yas bana kar chale gae

    lab-ha-e-KHushk o dida-e-tar de gae mujhe

    bedar kar gae sahar-o-sham-e-zindagi

    aah-o-fughan-e-sham-o-sahar de gae mujhe

    jamti nahin nigah kisi chiz par bhi ab

    ek KHiragi-e-tab-e-nazar de gae mujhe

    arz-e-hadis-e-shauq pe sharma ke rah gae

    kitna hasin jawab magar de gae mujhe

    mere sukun-e-qalb ko le kar chale gae

    aur iztirab-e-dard-e-jigar de gae mujhe

    mahrum-e-shash-jahat nigahon ko kar gae

    bas ek nigah-e-jaanib-e-dar de gae mujhe

    'aKHtar' wo aae aur chale bhi gae magar

    ek lutf-e-iztirab-e-asar de gae mujhe

    RECITATIONS

    Nomaan Shauque

    Nomaan Shauque

    Nomaan Shauque

    wo kya gae payam-e-safar de gae mujhe Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY