aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo naznin ye nazakat mein kuchh yagana hua

Haidar Ali Aatish

wo naznin ye nazakat mein kuchh yagana hua

Haidar Ali Aatish

MORE BYHaidar Ali Aatish

    vo nāznīñ ye nazākat meñ kuchh yagāna huā

    jo pahnī phūloñ baddhī to dard-e-shāna huā

    shahīd nāz-o-adā tire zamāna huā

    uḌāyā mehñdī ne dil chor bahāna huā

    shab us ke afa.ī-e-gesū jo fasāna huā

    havā kuchh aisī bañdhī gul charāġh-e-ḳhāna huā

    na zulf-e-yār ḳhāka bhī kar sakā maanī

    har ek baal meñ kyā kyā na shāḳhsāna huā

    tavangaroñ ko mubārak ho sham-e-kafūrī

    qadam se yaar ke raushan ġharīb-ḳhāna huā

    gunāhgār haiñ mehrāb-e-teġh ke sājid

    jhukāyā sar to adā farz-e-panj-gāna huā

    ġhurūr-e-ishq ziyāda ġhurūr-e-husn se hai

    idhar to aañkh bharī dam udhar ravāna huā

    dikhā de zāhid-e-maġhrūr ko bhī ai sanam aañkh

    jamāl-e-hūr had se sivā fasāna huā

    bharā hai shīsha-e-dil ko mai-e-mohabbat se

    ḳhudā ghar thā jahāñ vaañ sharāb-ḳhāna huā

    havā.e tund na chhoḌe mire ġhubār saath

    ye gard-e-rāh kahāñ ḳhāk-e-āstāna huā

    ḳhudā ke vāste kar yaar chīn-e-abrū duur

    baḌā aib lagā jis kamāñ meñ ḳhāna huā

    huā jo din to huā us ko paas rusvā.ī

    jo raat aa.ī to phir niiñd bahāna huā

    na pūchh haal mirā chob-e-ḳhushk-e-sahrā huuñ

    lagā ke aag mujhe kārvāñ ravāna huā

    nigāh-e-nāz-e-butāñ se na chashm-e-rahm bhī rakh

    kisī yaar nahīñ fitna-e-zamāna huā

    asar kiyā tapish-e-dil ne āḳhir us ko bhī

    raqīb se bhī mirā zikr ġhā.ebāna huā

    havā.e tund se pattā agar koī khaḌkā

    samand-e-bād-e-bahārī tāziyāna huā

    zabān-e-yār ḳhamoshī ne merī khulvā.ī

    maiñ qufl ban ke kalīd-e-dar-e-ḳhazāna huā

    kiyā jo yaar ne kuchh shaġhl-e-barq-añdāzī

    charāġh-e-zindagī-e-ḳhizar tak nishāna huā

    rahā hai chāh-e-zaqan meñ mirā dil-e-vahshī

    kuñ.eñ meñ jañgalī kabūtar āshiyāna huā

    ḳhudā darāz kare umr-e-charḳh-e-nīlī ko

    ye be-kasoñ ke mazāroñ shāmiyāna huā

    nahīñ hai misl-e-sadaf mujh dūsrā kam-baḳht

    nasīb-e-ġhair mire muñh āb-o-dāna huā

    hinā.ī hāthoñ se choTī ko kholtā hai yaar

    kahāñ se panjā-e-marjāñ harīf-e-shāna huā

    dikhā.ī chashm-e-ġhazālāñ ne halqa-e-zanjīr

    hameñ to gosha-e-sahrā bhī qaid-ḳhāna huā

    hamesha shaam se ham-sā.e mar rahe 'ātish'

    hamārā nāla-e-dil gosh ko fasāna huā

    wo naznin ye nazakat mein kuchh yagana hua

    jo pahni phulon ki baddhi to dard-e-shana hua

    shahid naz-o-ada ka tere zamana hua

    uDaya mehndi ne dil chor ka bahana hua

    shab us ke afai-e-gesu ka jo fasana hua

    hawa kuchh aisi bandhi gul charagh-e-KHana hua

    na zulf-e-yar ka KHaka bhi kar saka mani

    har ek baal mein kya kya na shaKHsana hua

    tawangaron ko mubarak ho sham-e-kafuri

    qadam se yar ke raushan gharib-KHana hua

    gunahgar hain mehrab-e-tegh ke sajid

    jhukaya sar to ada farz-e-panj-gana hua

    ghurur-e-ishq ziyaada ghurur-e-husn se hai

    idhar to aankh bhari dam udhar rawana hua

    dikha de zahid-e-maghrur ko bhi ai sanam aankh

    jamal-e-hur ka had se siwa fasana hua

    bhara hai shisha-e-dil ko mai-e-mohabbat se

    KHuda ka ghar tha jahan wan sharab-KHana hua

    hawae tund na chhoDe mere ghubar ka sath

    ye gard-e-rah kahan KHak-e-astana hua

    KHuda ke waste kar yar chin-e-abru dur

    baDa hi aib laga jis kaman mein KHana hua

    hua jo din to hua us ko pas ruswai

    jo raat aai to phir nind ka bahana hua

    na puchh haal mera chob-e-KHushk-e-sahra hun

    laga ke aag mujhe karwan rawana hua

    nigah-e-naz-e-butan se na chashm-e-rahm bhi rakh

    kisi ka yar nahin fitna-e-zamana hua

    asar kiya tapish-e-dil ne aaKHir us ko bhi

    raqib se bhi mera zikr ghaebana hua

    hawae tund se patta agar koi khaDka

    samand-e-baad-e-bahaari ka taziyana hua

    zaban-e-yar KHamoshi ne meri khulwai

    main qufl ban ke kalid-e-dar-e-KHazana hua

    kiya jo yar ne kuchh shaghl-e-barq-andazi

    charagh-e-zindagi-e-KHizar tak nishana hua

    raha hai chah-e-zaqan mein mera dil-e-wahshi

    kunen mein jangali kabutar ka aashiyana hua

    KHuda daraaz kare umr-e-charKH-e-nili ko

    ye be-kason ke mazaron ka shamiyana hua

    nahin hai misl-e-sadaf mujh sa dusra kam-baKHt

    nasib-e-ghair mere munh ka aab-o-dana hua

    hinai hathon se choTi ko kholta hai yar

    kahan se panja-e-marjaan harif-e-shana hua

    dikhai chashm-e-ghazalan ne halqa-e-zanjir

    hamein to gosha-e-sahra bhi qaid-KHana hua

    hamesha sham se ham-sae mar rahe 'atish'

    hamara nala-e-dil gosh ko fasana hua

    Source:

    Rekhta Ke Atish (Pg. 26)

    • Author: Khwaja Haider Ali Aatish
      • Edition: First
      • Publisher: Rekhta Publications
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now