wusat-e-chashm ko andoh-e-basarat likhkha

Azm Bahzad

wusat-e-chashm ko andoh-e-basarat likhkha

Azm Bahzad

MORE BYAzm Bahzad

    vus.at-e-chashm ko andoh-e-basārat likhkhā

    maiñ ne ik vasl ko ik hijr hālat likhkhā

    maiñ ne parvāz likhī hadd-e-falak se aage

    aur be-bāl-o-parī ko bhī nihāyat likhkhā

    maiñ ne ḳhushbū ko likhā dastaras-e-gum-shudagī

    rañg ko fāsla rakhne ri.āyat likkhā

    husn-e-goyā.ī ko likhnā thā likhī sargoshī

    shor likhnā thā so āzār-e-samā.at likhkhā

    maiñ ne ta.abīr ko tahrīr meñ aane na diyā

    ḳhvāb likhte hue mohtāj-e-bashārat likhkhā

    koī āsān rifāqat nahīñ likkhī maiñ ne

    qurb ko jab bhī likhā jazb-e-raqābat likhkhā

    itne daaoñ se guzar kar ye ḳhayāl aatā hai

    'azm' kyā tum ne kabhī harf-e-nadāmat likhkhā

    wusat-e-chashm ko andoh-e-basarat likhkha

    main ne ek wasl ko ek hijr ki haalat likhkha

    main ne parwaz likhi hadd-e-falak se aage

    aur be-baal-o-pari ko bhi nihayat likhkha

    main ne KHushbu ko likha dastaras-e-gum-shudagi

    rang ko fasla rakhne ki riayat likkha

    husn-e-goyai ko likhna tha likhi sargoshi

    shor likhna tha so aazar-e-samaat likhkha

    main ne tabir ko tahrir mein aane na diya

    KHwab likhte hue mohtaj-e-bashaarat likhkha

    koi aasan rifaqat nahin likkhi main ne

    qurb ko jab bhi likha jazb-e-raqabat likhkha

    itne daon se guzar kar ye KHayal aata hai

    'azm' kya tum ne kabhi harf-e-nadamat likhkha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY