yaadon ki qindil jalana kitna achchha lagta hai
yādoñ kī qindīl jalānā kitnā achchhā lagtā hai
ḳhvāboñ ko palkoñ pe sajānā kitnā achchhā lagtā hai
terī talab meñ patthar khānā kitnā achchhā lagtā hai
ḳhud bhī ronā sab ko rulānā kitnā achchhā lagtā hai
ham ko ḳhabar hai shahr meñ us ke sañg-e-malāmat milte haiñ
phir bhī us ke shahr meñ jaanā kitnā achchhā lagtā hai
jurm-e-mohabbat kī tārīḳheñ sabt haiñ jin ke dāman par
un lamhoñ ko dil meñ basānā kitnā achchhā lagtā hai
haal se apne begāne haiñ mustaqbil kī fikr nahīñ
logo ye bachpan kā zamānā kitnā achchhā lagtā hai
aaj kā ye uslūb-e-ġhazal bhī qadr ke qābil hai lekin
'mīr' kā vo andāz purānā kitnā achchhā lagtā hai
qadr-shanās-e-sher-o-suḳhan hote haiñ jahāñ par ai 'tābish'
us mahfil meñ sher sunānā kitnā achchhā lagtā hai
yaadon ki qindil jalana kitna achchha lagta hai
KHwabon ko palkon pe sajaana kitna achchha lagta hai
teri talab mein patthar khana kitna achchha lagta hai
KHud bhi rona sab ko rulana kitna achchha lagta hai
hum ko KHabar hai shahr mein us ke sang-e-malamat milte hain
phir bhi us ke shahr mein jaana kitna achchha lagta hai
jurm-e-mohabbat ki tariKHen sabt hain jin ke daman par
un lamhon ko dil mein basana kitna achchha lagta hai
haal se apne begane hain mustaqbil ki fikr nahin
logo ye bachpan ka zamana kitna achchha lagta hai
aaj ka ye uslub-e-ghazal bhi qadr ke qabil hai lekin
'mir' ka wo andaz purana kitna achchha lagta hai
qadr-shanas-e-sher-o-suKHan hote hain jahan par ai 'tabish'
us mahfil mein sher sunana kitna achchha lagta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
