yaro hudud-e-gham se guzarne laga hun main

Faragh Rohvi

yaro hudud-e-gham se guzarne laga hun main

Faragh Rohvi

MORE BYFaragh Rohvi

    yaaro hudūd-e-ġham se guzarne lagā huuñ maiñ

    mujh ko sameT lo ki bikharne lagā huuñ maiñ

    chhū kar bulandiyoñ se utarne lagā huuñ maiñ

    shāyad nigāh-e-vaqt se Darne lagā huuñ maiñ

    par taulne lagī haiñ jo ūñchī uḌaan ko

    un ḳhvāhishoñ ke pañkh katarne lagā huuñ maiñ

    aatā nahīñ yaqīn ki un ke ḳhayāl meñ

    phir āftāb ban ke ubharne lagā huuñ maiñ

    kyā baat hai ki apnī tabī.at ke bar-ḳhilāf

    de kar zabāñ 'farāġh' mukarne lagā huuñ maiñ

    yaro hudud-e-gham se guzarne laga hun main

    mujh ko sameT lo ki bikharne laga hun main

    chhu kar bulandiyon se utarne laga hun main

    shayad nigah-e-waqt se Darne laga hun main

    par taulne lagi hain jo unchi uDan ko

    un KHwahishon ke pankh katarne laga hun main

    aata nahin yaqin ki un ke KHayal mein

    phir aaftab ban ke ubharne laga hun main

    kya baat hai ki apni tabiat ke bar-KHilaf

    de kar zaban 'faragh' mukarne laga hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now