aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye junun ke marke itne nahin aasan bhi

Khurshid Talab

ye junun ke marke itne nahin aasan bhi

Khurshid Talab

MORE BYKhurshid Talab

    ye junūñ ke ma.arke itne nahīñ āsān bhī

    soch lenā is meñ saktī hai terī jaan bhī

    raushnī bhī chāhiye taaza havā ke saath saath

    khiḌkiyāñ rakhtā huuñ apne ghar meñ roshan-dān bhī

    zindagī meñ jo tumheñ ḳhud se ziyāda the aziiz

    un se milne kyā kabhī jaate ho qabristān bhī

    gaañv pagDañDiyāñ pakkī saḌak se milīñ

    tañg galiyoñ meñ badal kar rah ga.e maidān bhī

    pāsbān-e-aql ne to mujh ko samjhāyā bahut

    thā magar pahlū meñ mere dil ik nādān bhī

    ḳhushk haiñ dariyā samundar kaT ga.e jañgal tamām

    ret se ḳhālī hue jaate haiñ registān bhī

    mere lafzoñ ke ujāle maañd paḌte jā.eñge

    dhund meñ kho jā.egī ik din mirī pahchān bhī

    ḳhud ko kaise qatl hone se bachātā meñ 'talab'

    raat mere ghar meñ ik qātil thā aur mehmān bhī

    ye junun ke marke itne nahin aasan bhi

    soch lena is mein ja sakti hai teri jaan bhi

    raushni bhi chahiye taza hawa ke sath sath

    khiDkiyan rakhta hun apne ghar mein roshan-dan bhi

    zindagi mein jo tumhein KHud se ziyaada the aziz

    un se milne kya kabhi jate ho qabristan bhi

    ganw ki pagDanDiyan pakki saDak se ja milin

    tang galiyon mein badal kar rah gae maidan bhi

    pasban-e-aql ne to mujh ko samjhaya bahut

    tha magar pahlu mein mere dil sa ek nadan bhi

    KHushk hain dariya samundar kaT gae jangal tamam

    ret se KHali hue jate hain registan bhi

    mere lafzon ke ujale mand paDte jaenge

    dhund mein kho jaegi ek din meri pahchan bhi

    KHud ko kaise qatl hone se bachata mein 'talab'

    raat mere ghar mein ek qatil tha aur mehman bhi

    Source:

    Ghazal Ke Rang (Pg. 140)

    • Author: Akram Naqqash, Sohil Akhtar
      • Edition: 2014
      • Publisher: Aflaak Publications, Gulbarga
      • Year of Publication: 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now