ye kaun mere alawa mere wajud mein hai

ye kaun mere alāva mire vajūd meñ hai

ki ek shor balā kā mire vajūd meñ hai

ye kis ne merī nazar ko banāyā ā.īna

ye nuur kis ne ujālā mire vajūd meñ hai

is ek fikr ne ghole mirī hayāt meñ ġham

tū duur kyuuñ nahīñ jaatā mire vajūd meñ hai

koī charāġh mirī samt bhī ravāna karo

bahut dinoñ se añdherā mire vajūd meñ hai

jo buuñd buuñd jalātī hai tan badan merā

vo āgahī kī tamannā mire vajūd meñ hai

maiñ ek mauj meñ huuñ jab se raushnī milī hai

ye lag rahā hai ki duniyā mire vajūd meñ hai

maiñ band aañkh se duniyā ko dekh saktā huuñ

ik aisī chashm-e-tamāshā mire vajūd meñ hai

ye kaun mere alawa mere wajud mein hai

ki ek shor bala ka mere wajud mein hai

ye kis ne meri nazar ko banaya aaina

ye nur kis ne ujala mere wajud mein hai

is ek fikr ne ghole meri hayat mein gham

tu dur kyun nahin jata mere wajud mein hai

koi charagh meri samt bhi rawana karo

bahut dinon se andhera mere wajud mein hai

jo bund bund jalati hai tan badan mera

wo aagahi ki tamanna mere wajud mein hai

main ek mauj mein hun jab se raushni mili hai

ye lag raha hai ki duniya mere wajud mein hai

main band aankh se duniya ko dekh sakta hun

ek aisi chashm-e-tamasha mere wajud mein hai