ye kya ki rang hathon se apne chhuDaen hum

Azhar Inayati

ye kya ki rang hathon se apne chhuDaen hum

Azhar Inayati

MORE BYAzhar Inayati

    ye kyā ki rañg hāthoñ se apne chhuḌā.eñ ham

    ilzām titliyoñ ke paroñ par lagā.eñ ham

    hotī haiñ roz roz kahāñ aisī bārisheñ

    aao ki sar se paañv talak bhiig jaa.eñ ham

    uktā gayā hai saath ke in qahqahoñ se dil

    kuchh roz ko bichhaḌ ke ab aañsū bahā.eñ ham

    kab tak fuzūl logoñ par ham tajrabe kareñ

    kāġhaz ke ye jahāz kahāñ tak uḌā.īñ ham

    kirdār-sāziyoñ meñ bahut kaam ā.eñge

    bachchoñ ko vāqi.āt baḌoñ ke sunā.eñ ham

    is kār-e-āgahī ko junūñ kah rahe haiñ log

    mahfūz kar rahe haiñ fazā meñ sadā.eñ ham

    'az.har' samā.ateñ haiñ latīfoñ muntazir

    mahfil meñ apne sher kise ab sunā.eñ ham

    ye kya ki rang hathon se apne chhuDaen hum

    ilzam titliyon ke paron par lagaen hum

    hoti hain roz roz kahan aisi barishen

    aao ki sar se panw talak bhig jaen hum

    ukta gaya hai sath ke in qahqahon se dil

    kuchh roz ko bichhaD ke ab aansu bahaen hum

    kab tak fuzul logon par hum tajrabe karen

    kaghaz ke ye jahaz kahan tak uDain hum

    kirdar-saziyon mein bahut kaam aaenge

    bachchon ko waqiat baDon ke sunaen hum

    is kar-e-agahi ko junun kah rahe hain log

    mahfuz kar rahe hain faza mein sadaen hum

    'azhar' samaaten hain latifon ki muntazir

    mahfil mein apne sher kise ab sunaen hum

    Source :
    • Book : jhunka na-e-mausam kaa (Pg. 50)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY