ye mat puchho ki kaisa aadmi hun
ye mat pūchho ki kaisā aadmī huuñ
karoge yaad, aisā aadmī huuñ
mirā nām-o-nasab kyā pūchhte ho!
zalīl-o-ḳhvār-o-rusvā aadmī huuñ
ta.āruf aur kyā is ke sivā ho
ki maiñ bhī aap jaisā aadmī huuñ
zamāne ke jhameloñ se mujhe kyā
mirī jaañ! maiñ tumhārā aadmī huuñ
chale aayā karo merī taraf bhii!
mohabbat karne vaalā aadmī huuñ
tavajjoh meñ kamī beshī na jaano
azīzo! maiñ akelā aadmī huuñ
guzārūñ ek jaisā vaqt kab tak
koī patthar huuñ maiñ yā aadmī huuñ
'shu.ūr' aa jaao mere sāth, lekin!
maiñ ik bhaTkā huā sā aadmī huuñ
ye mat puchho ki kaisa aadmi hun
karoge yaad, aisa aadmi hun
mera nam-o-nasab kya puchhte ho!
zalil-o-KHwar-o-ruswa aadmi hun
taaruf aur kya is ke siwa ho
ki main bhi aap jaisa aadmi hun
zamane ke jhamelon se mujhe kya
meri jaan! main tumhaara aadmi hun
chale aaya karo meri taraf bhi!
mohabbat karne wala aadmi hun
tawajjoh mein kami beshi na jaano
azizo! main akela aadmi hun
guzarun ek jaisa waqt kab tak
koi patthar hun main ya aadmi hun
'shuur' aa jao mere sath, lekin!
main ek bhaTka hua sa aadmi hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
