zinda bhi KHalq mein hun mara bhi hua hun main

Zafar Iqbal

zinda bhi KHalq mein hun mara bhi hua hun main

Zafar Iqbal

MORE BY Zafar Iqbal

    zinda bhī ḳhalq meñ huuñ marā bhī huā huuñ maiñ

    huuñ muḳhtalif bhī is meñ phañsā bhī huā huuñ maiñ

    jo ahl-e-shahr ko kisī sūrat nahīñ hai raas

    aisī yahāñ pe āb-o-havā bhī huā huuñ maiñ

    āzurda kyuuñ haiñ ab mire shevan pe ahl-e-bāġh

    kuchh din yahāñ pe naġhma-sarā bhī huā huuñ maiñ

    in bārishoñ mujh ko tamannā bhī thī bahut

    dīvār se zarā miTā bhī huā huuñ maiñ

    rahtā huuñ duur us ke dil-e-narm se magar

    patthar tarah is meñ juḌā bhī huā huuñ maiñ

    zinda huuñ phir bhī ek umīd-e-bahār par

    pattā huuñ aur shajar se jhaḌā bhī huā huuñ maiñ

    rahtā nahīñ huuñ bojh kisī par ziyāda der

    kuchh qarz thā agar to adā bhī huā huuñ maiñ

    rakhne lage haiñ kuchh nazar-andāz bhī ye log

    manzar se apne aap haTā bhī huā huuñ maiñ

    ik duur ke safar pe ravāna bhī huuñ 'zafar'

    sust-ul-vajūd ghar meñ paḌā bhī huā huuñ maiñ

    zinda bhi KHalq mein hun mara bhi hua hun main

    hun muKHtalif bhi is mein phansa bhi hua hun main

    jo ahl-e-shahr ko kisi surat nahin hai ras

    aisi yahan pe aab-o-hawa bhi hua hun main

    aazurda kyun hain ab mere shewan pe ahl-e-bagh

    kuchh din yahan pe naghma-sara bhi hua hun main

    in barishon ki mujh ko tamanna bhi thi bahut

    diwar se zara sa miTa bhi hua hun main

    rahta hun dur us ke dil-e-narm se magar

    patthar ki tarah is mein juDa bhi hua hun main

    zinda hun phir bhi ek umid-e-bahaar par

    patta hun aur shajar se jhaDa bhi hua hun main

    rahta nahin hun bojh kisi par ziyaada der

    kuchh qarz tha agar to ada bhi hua hun main

    rakhne lage hain kuchh nazar-andaz bhi ye log

    manzar se apne aap haTa bhi hua hun main

    ek dur ke safar pe rawana bhi hun 'zafar'

    sust-ul-wajud ghar mein paDa bhi hua hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites