میکسم گورکی روس کے مشہور انقلابی شاعر، ناول نگار، افسانہ نگار، ڈراما نویس اور صحافی ہیں جنہوں نے اپنی تحریروں سے دنیا کے بہت بڑے حصے کو متاثر کیا، انقلاب میں ایک نئی روح پھونک دی اور دنیا کے مظلوم طبقے و پسے ہوئے لوگوں میں امید کی ایک نئی لہر پیدا کردی جس کی بازگشت آج تک جاری ہے۔ زیر نظر کتاب "دیوانہ ہے دیوانہ" میکسم گورکی کا ناول ہے ،جس کا اردو ترجمہ مخمور جالندھری نے کیا ہے۔ یہ ناول تاجر طبقہ کی گھناؤنی زندگی کی عکاسی کرتا ہے، اس ناول میں گور نے زندگی کی کی پردہ دری کے لئے نہایت ہی دل چسپ کرداروں سے اپنی کہانی کو پایہ تکمیل تک پہنچایا ہے ،ناول کا ہیرو فوما گورودیف اپنے تاجر طبقہ کی ریشہ دوانیاں اور خون آشامیوں سے بیزار ہو کر مقصد حیات کی تلاش میں سرگرداں رہتا ہے، اسے اپنی اسی تلاش صدمے اٹھانے پڑتے ہیں ، اور جب اس کو زندگی کی بوسیدگی کا علم ہوجاتا ہے تو وہ علم بغاوت بلند کردیتا ہے ،اور وہ اپنے ہی طبقے سے ٹکرا جاتا ہے مگر صحت مند اور لحیم وشحیم جسم و جسہ والے اس خوبصورت کردار کو پاگل قرار دے دیا جاتا ہے۔