فوائد الفواد

حضرت نظام الدین اولیا

اردو اکادمی، دہلی
1990 | مزید

کتاب: تعارف

تعارف

سلطان المشائخ خواجہ نظام الدین اولیا کے ملفوظات کو اس کتاب میں حضرت خواجہ امیر حسن سنجر ی نے جمع کیا ہے اور اس کا اردو ترجمہ خواجہ حسن ثانی نظامی دہلوی نے کیا ہے ۔ ان ملفوظات کے مجموعے کو اگر علم و معرفت کا سمندر کہا جائے تو ذرہ بھر مبالغہ نہ ہوگا ۔ اس کے ایک ایک فقرے میں ایس معنویت اور گہرائی ہے کہ تصوف کے دیگر تعلیمات کی طرح ان کی بھی شرح کی جائے ۔ ان میں ایسی بصیرت اور بر کت ہے کہ آدمی چاہے تو اس کی مدد سے واقعی ’’معنیٔ لفظ آدمیت‘‘ بن جائے ۔ اس کتاب کی اہمیت ان عظیم کتابوں جیسی ہے جو عوام و خواص سب میں یکساں مقبول ہوتی ہیں ، جو سیدھے سچے راستے کی طر ف آسانی سے رہنمائی کرتی ہیں ۔اس کتاب کی کل پانچ جلدیں ہیں ہر جلد میں بالترتیب چونتیس،اڑتیس، سترہ ، سڑسٹھ اور بتیس مجلسیں ہیں۔ زیر نطر کتاب میں سب جلدوں کو جمع کردیا ہے۔ کتاب کی ترتیب اس طرح ہے کہ بائیں جانب کے صفحہ میں فارسی عبارت ہے اوردائیں جانب کے صفحہ میں اردو عبارت، اس طرح سے اردو پڑھنے والوں کو پریشانی کا سامنا نہیں ہوگا۔

.....مزید پڑھئے

مصنف: تعارف

حضرت نظام الدین اولیا

حضرت نظام الدین اولیا

آپ کا اصل نام سید محمد نظام الدین اور والد کا نام سید احمد بخاری تھا۔ آپ کے القابات نظام الاولیا، محبوب الہی، سلطان المشائخ، سلطان الاولیا اور زری زر بخش وغیرہ ہیں۔ آپ کی ولادت 636ھ موافق 9 اکتوبر1237ء میں بدایوں میں ہوئی۔ آپ کے جدِ امجد سید علی بخاری اور نانا خواجہ عرب بخارا سے ہجرت کرکے بدایوں بھارت پہنچے، ابھی بمشکل پانچ برس کےہی ہوئےتھے کہ والد کا انتقال ہو گیا لیکن آپ کی نیک دل، پاک سیرت اور بلند ہمت والدہ بی بی زلیخا نے سوت کاٹ کاٹ کر اپنے یتیم بچے کی عمدہ پرورش کی، آپ نے قرآن کریم کا ایک پارہ مقری بدایونی سے پڑھا اس کے بعد مولانا علاؤ الدین اصولی سے مختصر القدوری پڑھی، مشارق الانوار کی سند مولانا کمال الدین سے حاصل کی، اس کے بعد دہلی آکر خواجہ نجیب الدین متوکل سے صحبت رہی، یہیں شمس الدین خوازمی سے تحصیل علم کی۔ آپ کو بیعت و خلافت بابا فرید گنج شکر سے تھا، بابا فرید کے آپ منظور نظر تھے، آپ نے 18 ربیع الثانی بدھ 725ھ مطابق 4 مارچ 1324ء کو طلوعِ آفتاب کے وقت وصال فرمایا، مزار سے متصل مسجد کی دیوار پر تاریخ وفات کندہ ہے، آپ کا آستانہ بندگان خدا کے لئے مرجع خلائق ہے۔

.....مزید پڑھئے

مصنف کی مزید کتابیں

مزید

مقبول و معروف

مزید

کتابوں کی تلاش بہ اعتبار

کتابیں : بہ اعتبار موضوع

شاعری کی کتابیں

رسالے

کتاب فہرست

مصنفین کی فہرست

یونیورسٹی اردو نصاب