میرباقر علی داستان گو، دلی کے آخری داستان گو، کے طور پر مشہور ہیں۔ آپ نے کئی داستانیں یادگار چھوڑیں، جن میں "خلیل خاں فاختہ" اور "داستان کانا باتی" اہم ہیں۔ زیر نظر آخر الذکر داستان "کانا باتی" ان کی ایک مشہور داستان ہے۔ جس میں مختلف واقعات و حکایات کو بیان کیا گیا ہے، داستان کے شروع میں کانوں سے متعلق اہم گفتگو کی گئی ہے، جس میں انسانوں کے کانوں کی بناوٹ اور ان کی خصوصیات پر روشنی ڈالی گئی ہے، جانوروں کے کانوں کی بناوٹ اور ان کی خصوصیات پر روشنی ڈالی گئی ہے، اس کے بعد بادشاہ اور بوڑھے کسان کی داستان بیان کی گئی ہے، جس میں غریب بوڑھے کسان اور بادشاہ کی دلچسپ گفتگو کو پیش کیا گیا ہے، اور بوڑھے کسان کی ذہانت کا نقشہ کھینچا گیا ہے، سننے کی اہمیت پر روشنی ڈالی گئی ہے، رسول اکرم صلعم اور صحابہ کے واقعات بھی بیان کئے گئے ہیں، اسلامی تعلیمات اور عقائد کو داستان میں بیان کیا گیا ہے، زبان وبیان خوب ہے، جس سے میر باقر علی کی نثر نگاری کی خوبیاں واضح ہوتی ہیں۔ داستان میں زبان دہلی کا لطف خوب ہے۔