یہ کتاب اچھے اخلاق کیسے مرتب ہوتے ہیں اس چیز کو بتاتی ہے۔ زندگی جینے کا طریقہ اور اس کے اصول اگر ہمیں آ گئے تو دنیا ہمارے قدمو ں میں ہے، لوگ ہمیں عزت دینگے اور ہمارے پاس وقت گزارنے کی کوشش کرینگے۔ اس کتاب میں ایسی ہی چیزوں کو موضوع بحث بنایا گیا ہے جس سے کہ ہمارے اخلاقیات درست ہوں اور ہم دوسروں کے دلوں پر کیسے راج کر سکتے ہیں۔ گویا یہ ایک عملی کتاب ہے جو کامیاب زندگی گزارنے کے قواعد بتاتی ہے، یہ قواعد محض نظریاتی یا تصوری باتیں نہیں ہیں۔ بلکہ کتاب پڑھنے کے بعد قاری محسوس کریں گے کہ یہ اصول جادو کی طرح اپنا اثر دکھاتے ہیں۔ بزنس میں ترقی کی بات ہو، یا خانگی امور سے متعلق مسائل، ہر ایک میں دوبالگی لائی جاسکتی ہے۔ اس کتاب کا مطالعہ آپ کو ان قوتوں کو نشو و نما کرنے میں مدد دے گا جن کا استعمال کرنے میں آپ نا کام رہے ہیں۔ یعنی انسان کے اندر جو غیر مستعمل خفیہ طاقتیں ہیں۔ یہ کتاب ان طاقتوں کو استعمال میں لانے کا ہنر سکھاتی ہے اورعمل کی قوت بیدار کرتی ہے۔ یہ ڈیل کارنیگی کی کتاب ہے جس کا اردو ترجمہ کمال احمد رضوی نے کیا ہے۔