پرکاش پنڈت اردو کے مشہور ادیب ہیں۔ ان کی متعدد کتابیں شائع ہوچکی ہیں جن میں " میراث، کھڑکی اور اخبار کا دفتر " بہت مشہور ہو ئیں ۔ زیر نظر مجموعہ میں پاکستان کے تمام مشہورو معروف شاعروں کی منتخب غزلوں، نظموں، قطعوں، رباعیوں ، گیتوں ، دوہوں اور رنگا رنگ شعروں کا تروتازہ گلدستہ پیش کیا گیا ہے۔ اس گلدستے سے یہ جائزہ لینے کی کوشش کی گئی ہے کہ پاکستان جو کبھی ہندوستان کا ہی حصہ تھا، تقسیم کے بعد وہاں کے شعراء اسلامی ادب کے سیاسی نعرے سے کس حد تک متاثر ہوئے ہیں اور اس اسلامی ادب کی شکل و صورت کیا ہے۔ کتاب پڑھنے سے اندازہ ہوتا ہے کہ چند تقسیمی نظموں کے علاوہ اسلامی ادب کے زمرے میں آنے والی کوئی ایسی چیز نظر نہیں آئے گی جو شعروادب کو تقسیمی یا اسلامی نعرے سے متاثر کرتی ہو۔ اس سے یہ خلاصہ ہوتا ہےکہ ادب کا رشتہ تقسیم اور نعروں سے نہیں ٹوٹتا۔ وہاں کے شعراء کے خیالات میں ہندوستانی روایات اور دیو مالا کا عکس صاف جھلک رہا ہے۔