پھر ایسا نظارہ نہیں ہوگا

کلیم عاجز

خدا بخش لائبریری،پٹنہ
2008 | مزید

کتاب: تعارف

تعارف

ڈاکٹر کلیم عاجز کی شاعری عوام کو بے حد متاثر کرتی ہے کیونکہ انکا انداز سادہ اور معاشرتی اقدار کا حامل تھا۔ امتیازی شاعرانہ خدمات کے لیے حکومت ہند نے انھیں 1982ء میں ‘پدماشری’ کے اعزاز سے بھی نوازا۔ "پھر ایسا نظارہ نہیں ہوگا" کلیم عاجز کی نعت، غزل اور نظموں کا مجموعہ ہے ، اس مجموعہ کو کئی حصوں میں تقسیم کیا گیا ہے، پہلے حصے میں کلیم عاجز کی لکھی گئی نعتیں ہیں ، دوسرے حصے میں غزلیں پیش کی گئی ہیں، تیسرے حصے میں ان کی نظمیں شامل ہیں،چوتھے حصے میں سہرے ہیں جبکہ پانچویں اور آخری حصے میں کلیم عاجز کی رباعیات اور متفرق اشعار شامل کئے ئے ہیں ،اس مجموعہ میں سب سے زیادہ تعداد غزلوں کی ہے، یہ غزلیں عام طور پر ابتدائی دور میں لکھی گئی تھیں ، ڈاکٹر وسیم صاحب نے ابتدائی زبانے کی لکھی گئی ان غزلوں کو مختلف جگہوں سے تلاش کرکے یکجا کیا اور پھر ان کو اس کتاب میں شامل کر دیا۔اس کتاب کے ہر حصے کے شروع میں کلیم عاجز کا تصنیف کردہ دیباچہ بھی شامل ہے جس دیباچےسے کتاب میں موجود تخلیقات اور ان کے پس منظر کے حوالے سے جانکاری ملتی ہے۔

.....مزید پڑھئے

مصنف: تعارف

کلیم عاجز

کلیم عاجز

نام کلیم احمد اور تخلص عاجز ہے۔۱۹۲۵ء میں قصبہ تلہاڑہ، ضلع پٹنہ میں پیدا ہوئے۔کلاس شروع ہوتے ہی والد کا انتقال ہوگیا،چنانچہ پڑھائی کا سلسلہ منقطع ہوگیا۔ ۱۹۴۶ء میں بہارمیں فساد کی آگ بھڑک اٹھی،گھر کے تمام افراد شہید کردیے گئے۔ ان جاں گسل حالا ت کا ذہن پر بہت برا اثر ہوا اور دنیا ومافیہا کی خبر نہ رہی۔لمبے وقفے کے بعد۱۹۵۶ء بی اے (آنرز)اور۱۹۵۸ء میں ایم اے کا امتحان دیا اور پوری یونیورسٹی میں اول آئے اور طلائی تمغہ حاصل کیا۔’’بہار میں اردو شاعری کے ارتقا‘‘ پر تحقیقی مقالہ لکھ کر ۱۹۶۵ء میں ڈاکٹریٹ کی ڈگری حاصل کی۔پٹنہ کالج، پٹنہ یونیورسٹی کے شعبۂ اردو میں ریڈر کے منصب پر فائز ہوئے۔ مسلم ہائی اسکول کے نوے جماعت میں جب زیر تعلیم تھے تو چند غزلیں لکھ کر اسکول کے ہیڈ مولوی ثمر آروی سے اصلاح لی۔پہلی او رآخری اصلاح یہی تھی۔ان کی تصانیف کے نام یہ ہیں:’مجلس ادب‘، ’وہ جوشاعری کا سبب ہوا‘، ’جہاں خوش بو ہی خوش بو تھی‘، ’یہا ں سے کعبہ ، کعبے سے مدینہ‘، ’اک دیس ایک بدیسی‘۔ بحوالۂ:پیمانۂ غزل(جلد دوم)،محمد شمس الحق،صفحہ:172

.....مزید پڑھئے

مصنف کی مزید کتابیں

مزید

مقبول و معروف

مزید

کتابوں کی تلاش بہ اعتبار

کتابیں : بہ اعتبار موضوع

شاعری کی کتابیں

رسالے

کتاب فہرست

مصنفین کی فہرست

یونیورسٹی اردو نصاب